мини|десно|Дрозд камењар на марка на Македонска пошта од 2004 г.|
Карпест дрозд или дрозд камењар () — птица која припаѓа на семејството муварчиња (Muscicapidae), порано сместена во дроздовите (Turdidae).
Распространетост
Се размножува низ јужна Европа, вклучувајќи ја и Македонија, преку Средна Азија, до северна Кина. Таа е исклучиво птица преселница која зимува јужно од Сахара.
Редок посетител е на северна Европа. Нејзиниот опсег се симнал надолу, кон југ, најверојатно заради уништувањето на животната средина. На пример, во почетокот на 20 век, таа се размножувала во Полска, каде денес ја нема,Tomek, Teresa & Bocheński, Zygmunt (2005): Weichselian and Holocene bird remains from Komarowa Cave, Central Poland. Acta zoologica cracoviensia 48A(1-2): 43-65. PDF fulltext но, нејзината популација не е загрозена на глобално ниво.
Опис Карпестиот дрозд е средно голема птица, но крупен дрозд, кој е долг 17-20 см. Летно време мажјакот е непогрешлив. Тогаш има синосива глава, портокалов е одоздола и на надворешниот дел од опашката, иам темнокафеави крилја и бел грб.
Женките и младенчињата не се толку впечатливи. Тие одоздора се крлушесто темнокафеави, а одоздола светлокафеави. Надворешниот дел од опашката е црвенкав, како кај мажјаците.Clement, Peter & Hathaway, Ren (2000): Thrushes. Christopher Helm, London. ISBN 0-7136-3940-7
Поведение Оваа птица се размножува во отворени, суви планински предели, обично под 1500 метри надморска височина, а во појужните краишта и до 3000 метри. Таа е сештојад и се храни со широк спектар инсекти, бобинки и мали влекачи.
Песната на карпестиот дрозд е јасна и милозвучна. На местата на гнездење, може да се слушне пеењето на мажјакот како звук на флејта, дури и во лет.
Гнездото го градат во пукнатините на карпите, во пештери или на испакнатите делови од гребените, на височина и до 7 метри. Некои парови гнездата ги прават на земја. Несат 4-6 јајца кои ги лежи женката во период од 14 до 16 дена. По околу 14 дена младенчињата го напуштаат гнездото, но родителите ги хранат уште две недели. Потоа, тие се растураат и живеат сами до следната сезона на парење.
Наводи
Надворешни врски Oiseaux Photos, map, text. Пол и возраст (PDF; 1.2 MB) by Javier Blasco-Zumeta & Gerd-Michael Heinze Handbook of the Birds of the World BirdGuides Macaulay Library at Cornell Lab or Ornithology Mangoverde ; direct link here
Категорија:Дроздови Категорија:Птици на Македонија Категорија:Животински таксони опишани од Карл Линеј