Сидни Родриг Нукпо Гову (роден на 27 јули 1979) — француски поранешен фудбалер, напаѓач.

Гову природно играл на позицијата крило, но понекогаш бил користен и како чист напаѓач.

Најдобрите денови од својата кариера ги поминал во дресот на неговиот прв клуб Олимпик Лион, со кого во период од десет години од 2000 до 2010 година, освоил голем број трофеи. Токму во тој период бил повикан и во дресот на француската репрезентација, со која во 2003 година го освоил Купот на конфедерациите. Својата репрезентативна кариера ја завршил во 2010 година, со 49 настапи и 10 голови.

Клупска кариера Олимпик Лион Престојувајќи во училиштето сè додека не ги заврши своите студии на релативно доцна возраст за фудбалер, Гову влегува во спортскиот свет, приклучувајќи и се на младинската школа на Олимпик Лион дури на возраст од 17 години во 1996 година. Лојален на својот прв клуб, до 2010 година, Гову играл на Стад Жерлан во текот на целата негова професионална кариера. Гову го направил пробивот на фудбалската сцена за време на сезоната 2000-01 помагајќи му на Лион да заврши втор, со само четири бода зад шампионот Нант. Благодарение на неговите одлични за клубот, Гову ја освоил наградата за најдобар млад играч на годината во Лига 1 за 2001.

Гову често бил критикуван за неговиот недостаток на смиреност пред противничките голови, особено во неизвесни ситуации кога притисокот е голем, што делумно објаснува зошто тој подоцна ќе биде шреместен да игра по ширина на теренот, како крило, наместо да зазема место како фокусна точка во нападот на тимот. Неговата офанзивна улога, сепак, не го спречила често да игра важна улога во обновувањето на поседот на топката за неговиот тим, што се должи во голема мера на неговоте широки атлетски способности и високото ниво на фитнес. Тој, исто така има добри способности и во играта со глава.

За време на сезоната 2004-05, кога клубот го водел Пол Ле Гвен, му ја доверил на Гову капитенската лента за време на долгото отсуство од клубот поради повреда на првиот капитен Клаудио Касапа. Одлуката на Ле Гвен била во голема мера мотивирана од лојалноста која кон клубот ја прикажал Гову, иако се соочувал со многу шпекулации кои го поврзувале со трансфери далеку од клубот. На 24 мај 2008 година, Гову го постигнал единствениот гол на натпреварот во додаденото екстра време, шутирајќи со волеј по една нафрлена топка, и бил назначен за "играч на натпреварот", кога што Лион го совладал ПСЖ во финалето на Купот на Франција, тоа била воедно и првата куп-титула на клубот уште од 1973 година.

Гову и Лион издржале тешка кампања во сезоната 2009-10. Тој се појавил во игра во 30 лига натпревари за Лион, и започнал во 22, но успеа да даде само два гола и имал уште две асистенции кога Лион завршил како вицешампион зад Олимпик Марсеј. Во ноември 2009 година, Лион бил домаќин на Олимпик Марсеј на Жерлан во она што ќе стане епска средба. Гову постигнал еден незаборавен гол во 14 минута, правејќи сензационален продор со топката странично во средниот ред, а потоа лесно го совладал Стив Манданда за да им даде водство на домаќините од 2-1. Натпреварот одел напред-назад во поглед на заостатокот на Марсеј, па така Лион водел со 5-4 во 90-тата минута кога тимски колега на Гову Жереми Тулалан си постигнал автогол што значел дека бодовите ќе бидат поделени. Лион на крајот завршил одново на второто место, обезбедувајќи си автоматски место во групната фаза на Лигата на Шампионите.

Панатинаикос На 2 јули 2010 година, Гову потпишал три-годишен договор со Панатинаикос од Грција.L'Equipe http://www.lequipe.fr/Football/breves2010/20100621_075849_govou-vers-le-panathinaikos.html http://www.supersport.com/football/article.aspx?Id=423485 На 14 септември 2010 година, тој постигнал погодок против Барселона на Камп Ноу за да го доведе Панатинаикос во водство од 1-0, иако тие на крајот го загубиле натпреварот со 5-1.Telegraph http://www.telegraph.co.uk/sport/football/competitions/champions-league/8002502/Barcelona-5-Panathinaikos-1-match-report.html На 2 јули 2011 година, било најавено од страна на Панатинаикос дека тие го ослободиле од договорот Гову со взаемна согласност.http://www.thedailystar.net/newDesign/news-details.php?nid=192606 Играчот бил претежно ослободен поради финансиските проблеми на Панатинаикос, по што и другите француски играчи Џибрил Сисе и Жан-Ален Бумсонг биле отпуштени. За време на неговото време во клубот, тој бил казнет двапати за несоодветно однесување во врска со "доцните вечерни активности".http://news.yahoo.com/govou-leaves-panathinaikos-175256001.html Гову се појавил во 23 натпревари и постигнал три гола во сите натпреварувања за Панатинаикос.

Евијан На 5 јули 2011 година, Гову потпишал две-годишен договор со неодамна промовираниот Лига 1 клуб Евијан. Тој го направил своето деби за клубот во нивниот прв некогаш настап во Лига 1 нагостувањето кај Брест. Гову го одиграл целиот натпревар и му помогнал на својот нов состав да се избори за реми 2-2, и да ги заработат нивните први бодови во највиоката по ранг лиха во францускиот фудбал.

Титули Клупски Олимпик Лион Лига 1 : 7 (рекорд) 2001-2002, 2002-2003, 2003-2004, 2004-2005, 2005-2006, 2006-2007, 2007-2008 Куп на Франција : 1 2008 Лига куп на Франција : 1 2001 Суперкуп на Франција : 6 2002, 2003, 2004, 2005, 2006, 2007

Репрезентативни Франција Куп на конфедерации : 1 2003

Наводи

Надворешни врски

Сидни Гову на soccerway Сидни Гову на transfermarkt Сидни Гову на ESPN Сидни Гову на whoscored

Категорија:Живи луѓе Категорија:Француски фудбалери Категорија:Фудбалери на ФК Олимпик Лион Категорија:Фудбалери на ФК Панатинаикос Категорија:Родени во 1979 година