Џулијан Брим (; 15 јули 1933 - 14 август 2020) — англиски гитарист и лејтист, еден од најистакнатите класични гитаристи на XX век.Sensier and Wade, 2001 Заслужен е и за возобнова на лејтата во класичниот репертоар и историските ансамбли.

Детство и младост Брим е роден во Лондон и пораснал во музикална средина. Татко му свирел џез-гитара. Како дете бил на изведба на Џанго Рајнхарт и тоа му оставило силен впечаток.

Љубовта кон гитарата започнала во детството, свирејќи на мало гитарче заеедно со танцовите нумери што оделе на радио. Првите часови по гитара ги добил од Борис Перо, претседателот на Филхармониското гитарско друштво. Татко му станал библиотекар на друштвото, па со тоа Брим добил пристап до голем фонд на ретки партитури за гитара.

На единаесеттиот роденден, Брим добил гитара од татко си и неговата дарба веќе била очигледна. Следната година освоил награда во категорија на малолетни изведувачи, со што добил можност да учи на Кралскиот музички колеџ. Првиот рецитал го дал во Челтнам во 1947 г., на возраст од 13 години.

Во 1952 г. го напуштил колеџот и заминал да служи воен рок. Првично го ставиле на должност во Исплатниот корпус, но по шест месеци успеал да се префрли во Оркестарот на Кралската артилерија со седиште во Вулич. Поради релативната близина, Брим навечер тајно одел во Лондон и свирел.

По три и пол години во војска, почнал со професионални ангажмани, давајќи музичка позадина на радиодрами и филмови. Ова продолжило како главна активност во 1950-тите и почетокот на 1960-тите. Во овој период посветил неколку години на турнеи по светот.

Првпат настапил на лејтата на рецитал во Вигмор Хол во 1952 г. и оттогаш почнал да се залага за нејзино враќање на репертоарите.

Во 1960 г. го основал историскиот ансамбл „Состав на Џулијан Брим“ (Julian Bream Consort), на чие чело застанал како лејтист и со тоа направил многу за популаризацијата на музиката од елизабетанскиот период.

Првите турнеи во Европа ги одржал во 1954 и 1955 г., по што уследиле подолги турнеи во Северна Америка (почнувајќи од 1958 г.), на Далечниот Исток, во Индија, Австралија, Океанија и други делови од светот. Почнал да дава мајсторски часови во САД и Канада и ја водел летната школа во Вилтшир, Англија.

Снимки Брим има направено многу снимки за куќите RCA и EMI Classics со кои освоил повеќе награди, меѓу кои четири награди „Греми“ за најдобра изведба на камерна музика и две за најдобра изведба на класична музика.Grammy Award Winners RCA во 1993 гч исто така го издале комплетот The Ultimate Guitar Collection во чест на неговиот 60-ти роденден.

Од почетокот на 1990-тите продолжил да снима за EMI Classics, вклучувајќи дела на Јохан Себастијан Бах, концертен албум (со Симфонискиот оркестар на Бирмингем и Сајмон Ретл), современи дела и гитарски сонати.

Подоцнежна кариера Во BBC направиле мошне успешен биографски филм насловен како „Живот на село“ (A Life in the Country) за животот и работата на Брим. Телевизиската кариера пролжила со серија од четири гитарски мајсторски часови, исто така на BBC. Во 1984 г. направил осум филма во Шпанија за „Канал 4“, осврнувајќи се на историјата на гитарската музика во таа земја.

Во 1991 г., радиото и телевизијата на BBC ја емитувале неговата изведба на променадниот концерт на Метју Арнолд. Учествувал во рецитали и концертни изведби на музиката на јапонскиот композитор Тору Такемицу на Јапонскиот фестивал во Лондон заедно со Лондонскиот симфониски оркестар.

Во сезоната 1992-93 трипати изведвуал во салата Вигмор Хол, а еден од нив бил во чест на неговиот 60-ти реоденден. Во овој период направил турнеи во источните земји, посетувајќи ги Хонгконг, Тајван, Кореја и Јапонија, и ја премиерно го извел аранжманот за гитара и оркестар на делото Иберија од Исак Албенис на Променадни концерти (The Proms) во адаптација на Лео Брауер. Во 1994 г. одржил мошне успешни настапи и во Турција и Израел, а следната година снимил музика за холивудскиот филм „Дон Хуан де Марко“.

Во 1997 г. одржал рецитал по повод 50 години од првиот настап во стариот градски дом во Челтнам. Неколку недели потоа, BBC направиле посебно издание на емисијата „Ова е Вашиот живот“ (This Is Your Life), снимено по спомен-концертот во салата „Кралица Елизабета“ во Лондон.

Во годините што следеле продолжил да настапува. Одржал гала-изведба во Филхармониската сала во Ливерпул, добротворен концерт во салата „Сент Џон“ во Лондон, рецитали со истакнатиот ансамбл „Академија на Св. Мартин“ во Олдборо и на фестивалот во Норфолк и Нориџ во 2000 г.

Во ноември 2001 г. одржал рецитал во Вигмор Хол, одбележувајќи 50-годишнината од првиот настап на тоа место.

Во 2003 г. излегол филмски профил на ДВД насловен како „Џулијан Брим: Мојот живот во музиката“ (Julian Bream: My Life in Music) со три часа интервјуа и изведби. Ова видеоиздание е прогласено за „најдобриот придонес за класичната гитара“ и „ДВД на годината“ на списанието Gramophone. Снимил и серија насловена како „Гитара“ (Guitarra!), чија тема се повторно неговите патувања по Шпанија.

Стил и влијанија Рециталите на Брим опфаќаат мошне широк опсег на дела — including транскрипции од XVII век, аранжмани на доста композиции од Ј.С. Бах, популарни шпански дела и современа музика. Според самиот Брим, најголемо влијание врз него имале шпанските композитори и гитаристи Андрес Сеговија and Франциско Тарега.

Изведбата му се одликува со виртуозен и мошне изразителен настап, големо внимание за детаљи и изразено сопоставување на боите на звукот.

Соработки и посветени дела Со Брим соработувале многу композитори и добар дел од нив имаат дела посветени нему. Такви се Малколм Анролд, Ринард Родни Бенет, Бенџамин Бритен.

За мошне значајна се смета опширната соработка со гитаристот Џон Вилијамс, со кого Брим има бројни изведби и сники.

Одликувања и награди Џулијан Брим има повеќе одликувања за неговите придонеси за музиката. Во 1964 г. е назначен за Офицер на Редот на Британската Империја (OBE), а во 1985 г. ја добил почеста Заповедник на Редот на Британската Империја. Има почесни фокторати од Универзитетот во Сари (1968) и Универзитетот во Лидс (1984). Во 1976 г. го добил златниот медал „Вила-Лобос“ лично од вдовицата на композиторот. Во 1966 г. е назначен за почесен член на Кралската музичка академија, а подоцна добил такви звања на Кралскиот музички колеџ (1981) и Кралскиот Северен музички колеџ (1983). Во 1988 г. станал почесен член на Кралското филхармониско друштво, од кое добил и инструменталистичка награда во 1996 г.

Делумна дискографија

Плочи The Art Of Julian Bream (ноември 1960), RCA LSC-2448 Guitar Concertos (јануари 1961), RCA LSC-2487 The Golden Age of English Lute Music (септември 1961), RCA LDS-2560 An Evening Of Elizabethan Music (1963), RCA LDS-2656 (март 1971 како LSC-3195) 20th Century Guitar, RCA LSC-2964 70's, RCA ARL 0049 Dedication, RCA ARL 5034 Julian Bream Plays Dowland, CLP 1726 A Bach Recital for the Guitar, Westminster CLP 1929 Baroque Guitar (1966), RCA The Classical Guitar (3 - LP set), Westminister WMS -1029 Collection of the Greatest Performances of Julian Bream, Vol. II, WestminsterConcertos for Lute and Orchestra, RCA ARL1-1180Dances of Dowland, RCA LSC-2987Elizabethan Lute Songs, RCA LSC-3131Elizabethan Music by The Julian Bream Consort, RCA LSC-3195The Golden Age of English Lute Music, RCA LSC-3196 RCA LD-2560Julian & John, RCAJulian & John/2, 1974 RCA ARL1-0456Julian Bream's Greatest Hits, WestminsterJulian Bream's Greatest Hits Volume Two, Westminster 9008-8185Lute Music of John Dowland, RCA ARL1-1491John Dowland: 14 Lute Pieces, Westminster W-9079Music for Voice and Guitar со Питер Пирс, RCA LSC-2718Popular Classics for Spanish Guitar, RCARodrigo: Concerto De Aranjuez, Berkeley Guitar Concerto (1975), RCA Sonatas for Lute and Harpsichord—Bach, Vivaldi со Џорџ Малколм, RCA LSC-3100 Villa-Lobos, Twelve Études for Guitar, Suite populaire bresillienne (1978), RCA Julian Braem, The Art of the Spanish Guitar 1970 RCA SRS 3002 The Woods So Wild, RCA LSC-3331 Guitarra: The Guitar in Spain (1985), RCA

Дискови Fret Works (1990), MCA Guitarra: The Guitar in Spain (1990), RCA Joaquín Rodrigo: Concierto elegíaco/Fantasía para un gentilhombre (1990), RCA Julian Bream plays Bach (1990), RCA Julian Bream Plays Granados & Albéniz (Music of Spain, Volume Five) (1990), RCA Music of Spain, Vol. 7 (1990), RCA Two Loves со Пеги Ешкрофт (1990), RCA Baroque Guitar (1991), RCA La Guitarra Romántica (1991), RCA Joaquín Rodrigo: Concierto de Aranjuez; Villa-Lobos: Preludes (1991), RCA Romantic Guitar (1991), RCA Baroque Guitar (1993), RCA A Celebration of Andrés Segovia—Bream (1993), RCA Highlights from the Julian Bream Edition (1993), RCA Joaquín Rodrigo: Concierto de Aranjuez; Fantasía para un gentilhombre No1-5 (1993), RCA Joaquín Rodrigo: Concierto de Aranjuez; Takemitsu: To the Edge of Dream со Сајмон Ретл и Симфонискиот оркестар на Бирмингем (1993), Capitol Together/Julian Bream & John Williams (1993), RCA Together Again/ Julian Bream & John Williams (1993), RCA Villa-Lobos: Guitar Concerto; Preludes; Études со Андре Превин и Лондонскиот симфониски оркестар (1993), BMG International Bach Guitar Recital (1994), EMI Classics Bach: Lute Suites, Trio Sonatas (1994), RCA Guitar Concertos (1994), RCA Julian Bream Consort, Vol. 6 (1994), RCA Music of Spain (1994), RCA Popular Classics for Spanish Guitar (1994), RCA Romantic Guitar (1994), RCA Sonata (1995), Angel 20th Century Guitar I (1996), RCA The Golden Age of English Lute Music (1996), RCA Music for Voice & Guitar (1996), RCA Music of Spain: Milán, Narváez (1996), RCA Popular Classics for the Spanish Guitar (1997), RCA Julian Bream Edition, Volume 1: The Golden Age of English Lute Music (28 CDs) (1998), RCA The Romantic Hours (1998), RCA Spain—Sor, Vol. 24 (1998), BMG Classics Guitar Concertos (1999), RCA Guitar Music by Albeniz, Vivaldi, Rodrigo & Grandos (2 CDs) (1999), RCA Classics/BMG Woods So Wild (1999), RCA Nocturnal: Martin, Britten, Brouwer, Lutoslavski (2000), EMI The Ultimate Guitar Collection (2 CDs) (2000), RCA Duos de Guitares со Џон Вилијамс (2001), RCA Spanish Guitar Music (ремас.) (2001), Deutsche Grammophon Spanish Guitar Recital (2001), RCA Joaquín Rodrigo: Concierto de Aranjuez; Fantasía para un gentilhombre; Tres piezas españolas; invocación y danza (ремас.) (2004), RCA Spanish Guitar Recital (2004), Guitar Recital: Bach, Sor, Turina, Tippet, Schubert (2005), Testament Music of Spain (2005), RCA Elizabethan Lute Songs, Decca Julian Bream & Friends, Musical Heritage Society Lute Music from the Royal Courts of Europe, BMG Classics Music of Spain: The Classical Heritage, RCA My Favorite Albums, RCA/Sony Classical

Наводи

Статии Peter Sensier & Graham Wade. "Bream, Julian (Alexander)" во The New Grove Dictionary of Music and Musicians MacMillan, 2001. Книги Stuart W. Button, Julian Bream, the Foundations of a Musical Career, Scolar Press, 1997 (reissued by Bold Strummer Ltd, 2006. ISBN 1-57784-067-4) Graham Wade, The Art of Julian Bream, Ashley Mark Publishing Company, 2008 Julian Bream: a Life on the Road. London: Macdonald, 1982. ISBN 0-356-07880-9. pp. 204–16).

Надворешни врски Џулијан Брим — AllMusic Биографија и дела на Џулијан Брим — „Гитаристи и композитори“

Категорија:Класични гитаристи Категорија:Лејтисти Категорија:Раномузички изведувачи Категорија:Заповедници на Редот на Британската Империја Категорија:Добитници на Греми Категорија:Родени во 1933 година Категорија:Луѓе од Лондон Категорија:Починати во 2020 година