Николае Тимофти (молдавски и ; р. 22 декември 1948) — молдавски политичар и правник на функцијата претседател на Молдавија од 23 март 2012 г. Пред да стане претседател, стоел на чело на Врховниот мировен судски совет на Молдавија.
Детство, младост и образование Тимофти е роден во семејството на Елена и Василе Тимофри во Чутулешт, Молдавска СССР, СССР, како едно од пет деца. На почетокот на 1949 г. потоа семејството се преселило во Флорешт, а истата година дедо му бил депортиран од советските власти во Амурската област, каде во 1953 г. починал. Во 1972 Тимофти дипломирал на Правниот факултет при Државениот универзитет на Молдавија.
Правни ангажмани По дипломирањето, отслужил воен рок во траење од две години, па во 1976 г. почнал да работи како судија. Во 1990-тите бил клучен реформатор. Во 2005 г. е примен за член на Вишата судска комора, а во 2011 г. е назначен за претседавач на Врховниот мировен судски совет.
Претседателствување Со доаѓањето на претседателската функција ја истакнал важноста Молдавија да продолжи со евроинтеграцијаWashington Post, Moldova elects pro-European judge Timofti as president, ending 3 years of political deadlock и нагласил дека земјата „нема друга иднина освен европска“. Поранешниот в.д. претседател и сегашен претседател на парламентот Михај Гимпу се искажал дека Тимофти „...е прогресивен човек, [што] значи многу за Република Молдавија.“
Личен живот Тимофти е оженет со правничката Маргарета Тимофти и имаат три сина: Алексеј (р. 1977) — правник во Светската банка во Вашингтон, Нику (р. 1980) — спортски новинар во Кишнев и Стефан (р. 1989), кој е економист во Кишинев.
Наводи
Надворешни врски
Новости за Николае Тимофти
Категорија:Молдавски правници Категорија:Молдавски политичари Категорија:Претседатели на Молдавија Категорија:Родени во 1948 година Категорија:Живи луѓе