мини|Општ филмски постер Генерал (англиски: The General) - американски филм од 1926 година, во режија на Бастер Китон (Buster Keaton, кој ја игра и главната улога. Во останатите улоги настапуваат Мерион Мек (Marion Mack), Глен Кавандер (Glen Cavender), Џим Фарли (Jim Farley), Чарлс Смит итн. Во 1989 година, филмот бил вклучен во Националниот филмски регистер на САД.IMDb, The General (1926), Awards (пристапено на 6.2.2016) Дејствието на филмот се одиграва за време на Американската граѓанска војна и се заснова на вистинит настан од 1862 година: грабнувањето на една локомотива со три вагони.РТС, Генерал (пристапено на 2.1.2021)

Содржина Џони Греј (го игра Китон) е машиновозач, вљубен во Анабел Ли (ја игра Мек). Кога започнува Граѓанската војна во САД, наговорен од неа, Џони се пријавува во војската, но го одбиваат со образложение дека ќе биде покорисен како возач на локомотивата. Таткото и братот на Анабел ѝ кажуваат дека тој воопшто не сакал да се пријави, по што таа му се заканува дека нема да му зборува додека не го види во униформа. Еден ден, додека разочараниот Џони управува со локомотивата (наречена „Генерал“), група диверзанти од армијата на Северот го грабнува возот, заедно со Анабел Ли. Џони веднаш тргнува во потрага по својата локомотива и по девојката и така пристигнува на територијата што ја контролира непријателот. Во една куќа, тој го слуша разговорот на непријателските офицери, кои се договараат за спојување на двете дивизии во близината на еден мост, по што незапирливо би напредувале кон територијата под контрола на армијата на Јужната конфедерација. Истата ноќ, Џони успева да ја ослободи и Анабел, по што двајцата успеваат да побегнат во шумата. Кога пристигнуваат на железничката станица, Џони ги здогледува северните војници како го товараат неговиот воз и тој повторно си ја враќа својата локомотива. Непријателската војска започнува потрага по него, но кога стигнува до реката, Џони го минира мостот, а потоа ја известува војската на Конфедерацијата за приближувањето на непријателите. Војската на северот е победена, а Џони добива униформа и офицерски чин, по што повторно ја придобива наклонетоста на Анабел Ли и на нејзиниот татко.IMDb, The General (1926) (пристапено на 6.2.2016)

Надворешни врски YouTube, Buster Keaton - The General (1926)

Наводи

Категорија:Американски филмови Категорија:Црно-бели филмови Категорија:Филмови од 1926 година Категорија:Филмски комедии Категорија:Филмови на Бастер Китон Категорија:Филмови со Бастер Китон Категорија:Филмови со Мерион Мек Категорија:Неми филмови Категорија:Филмови за Американската граѓанска војна Категорија:Филмови од 1927 година