мини|десно|Сњежка во 1900 г.
Сњежка (, , ) — планина на границата на Чешка и Полска, и најстакната точка на Шлескиот Срт во венецот Крконоше. Со ова е највисока планина во Чешка, на венецот Крконоше и целите Судети.
Историја Првото документирано искачување на планината се случило во 1456 г. од непознат венецијански трговец во потрага по драги камења. Набргу потоа се појавиле и првите населени места на планината, претежно во облик на рударски населби, каде населението се занимавало со добивање на бакар, железо и арсен. Рударските окна се зачувани и до денес, и долги се вкупно .
Првото германско име на планината е Ризеберг („џиновска планина“), спомнато од Георгиј Агрикола во 1546 г. По петнаесет години се јавува името Ризенберг на картата на Шлеска на Мартин Хелвиг. Подоцна германското име се сменило во Ризенкопе („џиновска чука“), за на крај да го добие називот Шнекопе („снежна чука“).
На чешки, планината прво се нарекувала Пахрбек Сњежни (снежна чука), подоцна Сњежка, а името Сњежовка е усвоено во 1823 г. Во постаро време, планината на полски се нарекувата Гура Олбжимја („џиновска планина“).
Најстар објект на врвот е параклисот „Св. Лаврентиј“ (Laurentiuskapelle), изграден околу 1665–1681 г. од шлеското семејство Шафгоч како меѓник на нивниот имот. Околната територија, заедно со рудниците, биле во сопственост на ова семејство сè до 1945 г. Во 1850 г. е изграден планинарскиот дом Пруска колиба на шлеската (полска) страна, а во 1868 г. е направен и домот Чешка колиба на чешка страна. Пруската колиба е обновувана заради пожари во 1857 и 1862 и по 1945 г., па на крајот срушена во 1967 г. Чешката колиба се запустила по 1990 г. и е урната во 2004 г.
Во 1900 г. на врвот е изградена дрвена метеоролошка станица. Интересно е што била единствената неоштетена метеролошка станица цела Средна Европа по Втората светска војна. Урната е во 1980-тите.
Планината денес мини|десно|Полската метеоролошка опсерваторија Планината е мошне популарно планинарско одредиште за туристи од Чешка, Полска и Германија, кои ја посетуваат во летниот период. На полска страна има видиковец со ресторан во облик на диск, изграден во 1974 г., матеоролошка станица и параклисот Св. Лаврентиј. На чешка страна се остатоците од Чешката колиба, пошта и седечка жичница која поаѓа од Пец под Сњежка на подножјето на планината.
мини|центар|400п|Поглед од врвот на Сњежка
Галерија
Поврзано Крконоше Судети
Наводи
Надворешни врски
Сњежка — чешки туристички портал Портал на Сњежка Мрежно место за Сњежка Временска прогноза
Категорија:Судети Категорија:Планини во Полска Категорија:Планини во Чешка Категорија:Краловохрадечки крај Категорија:Долношлеско Војводство Категорија:Највисоки точки на земјите Категорија:Меѓународни планини во Европа