Градечка Река — река во Источна Македонија и лева притока на Брегалница. Градечка Река, заедно со Осојница и Виничка Река, е од големо значење за наводнување на Виничкото Поле, а нејзините води претставуваат извор за производство на електрична енергија.
Течение Реката нема посебен извор и неа ја образуваат повеќе безимени потоци на планината Плачковица. Нејзиното течение понатаму продолжува по падините на планината, потоа минува низ селото Градец и покрај градот Виница, и на крајот се влева во Брегалница. Течението на реката над Виница е опаѓачко, при што реката ги прифаќа сите води што надоаѓаат, додека под градот е од рамничарски тип. Во алувијалната рамнина на реката има подземни води, но за нив сè уште нема сознанија.
Хидрографија Градечка Река е долга 18 км, а вкупната површина на речниот слив изнесува 55,31 км2. Речниот проток има голема варијација, така што протокот на местото каде што е изградена акумулација изнесува 305 л/сек, додека најмалиот проток е околу 30 л/сек. Водата од реката се користи за наводнување на дел од Виничкото Поле. Поради малата сливна површина, кратката должина и големиот наклон во средниот и горниот тек, реката има буичарски карактер и нанесува штети на градот Виница, а исто така го нарушува и квалитетот на обработливите површини, особено на оние опфатени со хидромелиоративниот систем. Коритото на реката е регулирано од едната страна, во должина од 2000 м, со што просторот каде што е можно излевање е целосно заштитен од поплави. Во горниот дел на речниот слив има појава на интензивен процес на ерозија.
Енергетика По течението на реката, непосредно пред влезот на селото Градец од страна на планината Плачковица, се наоѓа малата хидроцентрала „Градечка Река“ со моќност од 0,7 MW.
Галерија
Поврзано Градец (Виничко) Осојница Виничка Река
Наводи
Категорија:Реки во Македонија Категорија:Притоки на Брегалница Категорија:Плачковица Категорија:Градец (Виничко) Категорија:Географија на Виница