Мезе (; ; ; ; ; ; ) е јадење кое се служи со алкохолни пијалаци во земјите од Блискиот Исток, балканските земји, и во делови од Средна Азија. Во левантската, кавкаската и балканската кујна, мезето се служи на почетокот од оброкот.Alan Davidson, The Oxford Companion to Food, Oxford University Press, 1999, pp. 500-501 Зборот мезе доаѓа од персискиот јазик , со значење „вкусно“.<ref>Oxford English Dictionary, online version, June 2011</ref>
Видови мезе
Мезето во Турција вообичаено се состои од: бело сирење, парчиња диња, мелени лути пиперки мешани со ореви, таратур или цаѕики, салата од модри патлиџани, салата од мозок, пржени лигни, сарма, џигери, салата од октопод, шиш-ќофте, и слично.
Во Грција, на Кипар и во земјите од Балканскиот Полуостров, како и кај нас во Македонија, мезе'' може да биде топло или ладно послужено јадење. Може да биде: морска храна, или каков било вид на салата, сечкани варени јајца, леб со вкус на лук, свежо или печено парче сирење, маслинки, готвен зеленчук, салата од модар патлиџан, тарамо салата, и слично.
Во земјите од Балканскиот Полуостров, мезето може да вклучува разни видови салати, и најчесто не вклучува готвени јадења. Како мезе, се изнесуваат разни видови на сирење, кајмак, салами, сушено месо, кулен, сланина, суџук, маслинки, кој било вид на зеленчук, а доколку се работи за муслиманско мезе, тогаш тоа ги исклучува производите од свинско месо.
Во Романија за мезе се изнесува сирење или некој вид на салама.
Наводи
Категорија:Балканска кујна Категорија:Мезе Категорија:Блискоисточна кујна