Firmicutes е големо бактериско колено кое вклучува голем број видови со Грам-позитивна структура на клеточениот ѕид. Многу ретко, како кај родовите Megasphaera, Pectinatus, Selenomonas и Zymophilus, надворешната мембрана на клеточниот ѕид е порозна, што резултира со Грам-негативно обојување. Коленото, во прилог на карактеричниот клеточен ѕид, се истакнува и по ниската содржина на азотните бази гванин и цитозин во нивната ДНК. Во ова колено спаѓаат бактерии со огромно значење за индустријата, медицината и земјоделството, на пример, стрептококите, стафилококите, бактериите на млечно-киселинското вриење, хемолитичките бактерии и клостридиите. Оваа група бактерии сочинува најголем дел од човековата цревна микрофлора.
Класификација Коленото е поделено на пет класи, со тоа што некои автори во него ја додаваат и групата на бактерии без клеточен ѕид (Mycoplasma, Mollicutes). Во ова колено спаѓаат повеќе од 270 родови, од кои најзначајни се: класа Bacilli род Aerococcus род Bacillus род Carnobacterium род Enterococcus род Lactobacillus род Lactococcus род Leuconostoc род Listeria род Oenococcus род Pediococcus род Sporolactobacillus род Staphylococcus род Streptococcus род Tetragenococcus род Vagococcus род Weissella
класа Clostridia род Acetobacterium род Clostridium род Eubacterium род Heliobacterium род Heliospirillum род Megasphaera род Pectinatus род Selenomonas род Zymophilus род Sporomusa
класа Erysipelotrichia род Erysipelothrix
Наводи
Категорија:Бактерии Категорија:Грампозитивни бактерии Категорија:Микробиологија Категорија:Бактериологија