Gemmatimonadetes е колено на бактерии создадено за видот Gemmatimonas aurantiaca. Оваа Грам-негативна бактерија сочинува околу 2% од почвените бактериски заедници, а коленото на кое припаѓа е идентификувано како едно од првите девет колена по застапеност во почви. Gemmatimonadetes се најдени во различни суви почви, како што се тревни површини, прерии и пасишта, како и во еутрофични езерски седименти и алпски почви. Овој широк дијапазон на средини каде Gemmatimonadetes биле пронајдени сугерира дека тие се адаптирани на ниско ниво на влага во почвата. Според една студија, дистрибуцијата на Gemmatimonadetes во почвата има тенденција да биде повеќе зависна од достапноста на влага отколку од агрегацијата, потврдувајќи го верувањето дека членовите на ова колено претпочитаат посуви почви. Исто така, неодамна беше откриен нов вид на ова колено кој е способен за фотосинтеза.
Првиот член на ова колено беше откриен во 2003 година, во активна мил добиена од третман на отпадни води и беше именуван Gemmatimonas aurantiaca. Метаболичките патишта и ензимите на оваа бактерија се уникатни во бактерискиот свет, а таа е способна и за анаеробна и за аеробна респирација.
Таксономија Моментално прифатената таксономија е заснована на Списокот на имиња на прокариотите со евиденција во номенклатурата (анг. List of Prokaryotic names with Standing in Nomenclature - LPSN), Националниот центар за биотехнолошки информации (анг. National Center for Biotechnology Information - NCBI) и Проектот "Животно дрво на сите видови" (анг. The All-Species Living Tree Project). Колено Gemmatimonadetes Zhang et al. 2003 [Gemmatimonadaeota Oren et al. 2015] Класа Longimicrobia Pascual et al. 2016 Ред Longimicrobiales Pascual et al. 2016 Фамилија Longimicrobiaceae Pascual et al. 2016 Род Longimicrobium Pascual et al. 2016 Вид Longimicrobium terrae Pascual et al. 2016 Класа Gemmatimonadetes Zhang et al. 2003 Ред Gemmatimonadales Zhang et al. 2003 Фамилија Gemmatimonadaceae Zhang et al. 2003 Род Gemmatirosa DeBruyn et al. 2013 Вид Gemmatirosa kalamazoonesis DeBruyn et al. 2013 Род Gemmatimonas Zhang et al. 2003 emend. Zeng et al. 2015 [Gemmimonas(sic)] Вид G. phototrophica Zeng et al. 2015 Вид G. aurantiaca Zhang et al. 2003 emend. Zeng et al. 2015 [Gemmimonas aurantiaca (sic)]
Поврзано Список на бактериски редови
Наводи
Надворешни врски Кратка таксономија (англиски) Fawaz, М. N. (2013). Revealing the Ecological Role of Gemmatimonadetes Through Cultivation and Molecular Analysis of Agricultural Soils. 44-60. Краток преглед на коленото.
Категорија:Бактерии Категорија:Грамнегативни бактерии Категорија:Микробиологија Категорија:Прокариоти Категорија:Бактериологија