Дебарскиот Санџак () — еден од пониските административни единици во состав на Отоманското Царство, со седиште во Дебар.

Територијална поделба

Покрај Дебар и околината, овој санџак ги вклучувал Дебрца и Долна Река кои денес се дел од Република Македонија, но и областите Мат и Кроја што денес влегуваат во рамките на Албанија. Во XIX и XX век, Дебарскиот Санџак бил поделен на кази: Дебарска Каза Долнодебарска Каза Реканска Каза Елбасанска Каза Матска Каза.D. M. Brancoff, La Macédoine et sa population chrétienne, avec deux cartes ethnogtaphiques, Paris 1905, 8-9;

Во 1864 година започнала административна реформа во Отоманското Царство, со формирање на поголеми административно-управни единици вилаети по пример на француските департмани. Реформата го вклучила и Дебарскиот Санџак кој таа година заедно со Призренскиот и Скадарскиот Санџак влегол во рамките на Скадарскиот Вилает. Во 1871 година кога е формиран Призренскиот Вилает во неговиот состав покрај Призренскиот и Скопскиот Санџак влегол и Дебарскиот.

Призренскиот Вилает бил расформиран во 1875 година, кога санџаците во Призрен, Скопје и Дебар биле додадени кон Битолскиот Вилает. Во јануари 1877 година Отоманското Царство повторно спровела реорганизација на вилаетите во Европа. На границите со Кнежевство Србија и Кнежевство Црна Гора со кои Отоманското Царство било во војна, формиран бил Косовски Вилает со центар во Приштина, во чиј состав влегол и Дебарскиот Санџак.

Повторно е вратен кон Битолскиот Вилает во 1879 година, каде останал сè до 1913 година, кога по Првата балканска војна и по Лондонската конференција, бил поделен меѓу Кралство Србија и Кнежевство Албанија.Apostoloski, Mihailo (1978). Makedonija vo istočnata kriza 1875–1881. Skopje: Makedonska akademija na naukite i umetnostite. pp. 187. "After the Berlin Congress other administrative reforms were carried out. So the Debar Sanjak was separated from Kosovo Vilayet and was added to the Bitola vilayet..."

Наводи

Литература

Категорија:Санџаци на Отоманското Царство во Европа Категорија:Отоманска Албанија Категорија:Отоманска Македонија Категорија:Отомански Дебар Категорија:Држави и територии настанати во 1395 година Категорија:Држави и територии распаднати во 1913 година