Рома (шпански: Roma) – мексиканско-американски филм од 2018 година, во режија на Алфонсо Куарон, кој е автор и на сценариото. Главните улоги ги толкуваат: Јалица Апарисио, Марина де Тавира, Ненси Гарсија Гарсија, Фернансо Гредијага, итн. Во 2019 година, филмот освоил три награди „Оскар“, во категориите: најдобро странски филм, најдобра режија и најдобра кинематографија, а бил номиниран уште во седум категории. Истата година, филмот имал три номинации за наградата „Златен глобус“, а освоил две награди. Исто така, филмот освоил четири награди БАФТА (а имал уште три номинации).IMDB, Roma (2018) Awards (пристапено на 27.4.2019)
Синопсис Дејството се одвива во Мексико, во 1970-1971 година. Клео (ја игра Апарисио) е слугинка во куќата на докторот Антонио (го игра Гредијага), кој често оди на службен пат во Канада. Еднаш, под изговор дека пак оди на студиски престој, тој го напушта семејството и оди да живее со својата љубовница. Клео останува бремена со Фермин, кој вежба боречки вештини. Штом му ја кажува веста, тој веднаш ја напушта. Кога се приближува денот за пораѓање, Клео оди да купи креветче за бебето, а надвор се во тек студентски демонстрации. Тогаш, во продавницата влегува група платеници, ангажирани од полицијата, кои убиваат еден демонстрант. Меѓу платениците е и Фермин, кој го насочува револверот кон Клео и тогаш таа добива контракции. Веднаш ја носат на болница, а таму раѓа мртвороденче. Еден ден, Софи ги носи Клео и децата на море, каде Клео ги спасува децата од давење. Кога се враќаат дома, тие ја наоѓаат куќата празна, зашто докторот го зел поголемиот дел од мебелот.IMDB, Roma (2018) (пристапено на 27.4.2019)
Наводи
Категорија:Филмови од 2018 година Категорија:Мексикански филмови Категорија:Американски филмови Категорија:Филмови на шпански јазик Категорија:Црно-бели филмови Категорија:Филмови чие дејствие се одвива во Мексико Категорија:Филмови на Алфонсо Куарон Категорија:Филмови со Јалица Апарисио Категорија:Филмови со Марина де Тавира