Ниусере Ини (исто така Неусере Ини, на грчки јазик познат како Ратурис, ´Ραθούρης) бил древно египетски фараон, шестиот владетел на Петтата династија од времето на Старото Кралство. Тој владеел меѓу 24 и 35 години во зависност од научниците, а најверојатно живеел во втората половина на 25 век п.н.е. Ниусере бил помлад син на Нефериркаре Какаи и кралица Кенткаус II, и брат на кралот Неферефре. Можеби директно го наследил својот брат, како што укажуваат многу подоцнежните историски извори. Алтернативно, Шепсескаре можеби владеел меѓу нив двајца неколку недели или месеци, како што се сметал Мирослав Вернер. Односот на Шепсескаре со Неферефре и Ниусере останува мошне неизвесен. Ниусере, пак, бил наследен од Менкаухор Каиу, кој можел да биде негов внук и син на Неферефре.
Ниусере бил најплодниот градител на неговата династија, изградил три пирамиди за себе и за кралиците, а уште три за неговиот татко, мајка и брат, сите во некрополата Абусир . Тој го изградил најголемиот храм за богот на сонцето Ра изграден за време на Старото Кралство, а кој и денес постои, наречен Шесепибре или „Радоста на срцето на Ра“. Тој, исто така, го комплетирал Нехенре, храмот на Сонцето на Усеркаф во Абу Гораб и храмот на Менкауре во Гиза. Притоа, тој бил првиот крал после Шепсескаф, последниот владетел на Четвртата династија, кој се занимавал со некрополата Гиза, потег што можеби бил обид да се легитимизира неговото владеење по проблематичните времиња околу неочекуваната смрт на неговиот брат Неферефре. алт=Torso and head of a statue of a king wearing the Egyptian nemes.|мини|лево|Фрагмент од статуа од Петтата династијата, веројатно Ниусере
Белешки
Наводи
Категорија:Фараони од Петтата египетска династија