Рене Касен (, 5 октомври 1887 - 20 февруари 1976) — француски правник, познат како соавтор на Универзалната декларација за човековите права. Тој е добитник на Нобеловата награда за мир.Nobel Lectures, Peace 1951-1970, Editor Frederick W. Haberman, Elsevier Publishing Company, Amsterdam, 1972
Животопис Касен е роден во 1887 година во гратчето Бајон во Баскија, Франција. Неговиот татко бил еврејски трговец. Рене служел како војник во Првата светска војна. Во периодот од 1924 до 1938 година бил француски делегат во Друштвото на народите. Рене триесеттина години бил претседател на Светскиот еврејски сојуз (), заснован во Париз.
За време на Втората светска војна Касен работел за владата во егзил Слободна Франција, а од 1944 до 1959 година бил и член на францускиот Државен совет. По завршувањето на војната Касен бил вклучен во Обединетите нации за да помогне во создавањето на Универзалната декларација за човековите права (УДЧП). Тој целосно го изработил првиот нацрт на текстот, создавајќи структура на документот и вметнувајќи преамбула и принципи.
Во 1968 година бил награден со Нобеловата награда за мир за неговите заслуги за човековите права.
Наводи
Категорија:Борци за човекови права Категорија:Родени во 1887 година Категорија:Починати во 1976 година Категорија:Француски Евреи Категорија:Добитници на Нобеловата награда за мир Категорија:Француски нобеловци Категорија:Еврејски нобеловци Категорија:Академици на САНУ Категорија:Луѓе од Бајона Категорија:Починати во Париз Категорија:Странски членови на Српската академија на науките и уметностите Категорија:Носители на Големиот крст на Легијата на честа Категорија:Погребани на гробиштата „Монпарнас“