Аматест Амилија Кели (англ. Amethyst Amelia Kelly; родена на 7 јуни 1990 година), позната под псевдонимот Иги Азејлија (англ. Iggy Azalea) — австралиска раперка и манекенка.

Живот и кариера Аметист Амилија Кели е родена на 7 јуни 1990 година во Сиднеј. Почнала да рапува на 14-годишна возраст. Во 2006 година, за да ја продолжи музичката кариера, Азејлија се преселила во Соединетите Американски Држави. По преселувањето во САД, прво живеела во Мајами, потоа кратко време била во Хјустон по што се преселила во Атланта каде што живеела неколку години. Претставник од Interscope Records, во текот на летото 2010 година, ја наговорил да се пресели во Лос Анџелес. Во тој период таа го усвоила нејзиното уметничко име, креирано од името на нејзиното куче од детството, Иги, и името на улицата во која го поминала детството, улицата Азејлија, каде што нејзиното семејство живее до ден-денес.

На 27 септември 2011 година, Азејлија го објавила нејзиниот прв целосен проект, микс под наслов Ignorant Art. Нејзината песна „Pussy“ била вклучена на микстејпот. Во ноември 2011 година, објавила спот за песната „My World“, во кој имало камео појавување на глумецот и поранешен борач Тајни Листер. Спотот привлекол големо внимание и ѝ донел популарност на интернет. Во декември 2011 година, Азејлија открила дека ќе го издаде нејзиниот прв студиски албум, The New Classic, веднаш штом ќе потпише договор со издавачка куќа.Exclusive Iggy Azalea Interview | We Are Your Friends . На 1 март 2012 година, раперот T.I. објавил дека потпишал договор со Азејлија со неговата издавачка куќа, Grand Hustle Records. На 26 март 2012 година, Азејлија на нејзиниот профил на YouTube го објавила „Murda Bizness“, планиран водечки сингл за албумот The New Classic.

Во април 2012 година, преку Твитер, Азејлија објавила дека во мај планира да издаде мини-албум (ЕР) под наслов Glory. Во мај 2012 година, T.I. во емисијата HipHopPov на MTV рекол дека Азејлија сè уште не обезбедила договор за дистрибуција со Grand Hustle Records и рекол дека таа е „слободен агент“. Подоцна во интервјуто било откриено дека таа, покрај со Interscope преговарала и со други издавачки куќи, најверојатно Def Jam Recordings.

Мини-албумот Glory бил објавен на 30 јули 2012 година. На 11 октомври 2012 година го објавила нејзиниот втор микс, TrapGold, кој бил целосно продуциран од Дипло и од FKi. лево|мини|Азејлија настапува на фестивалот Converse Get Dirty во Австрија, април 2013 година Во јануари и февруари 2013 година, Азејлија била воведен изведувач за Рита Ора на нејзината турнеја (Radioactive Tour) во Обединетото Кралство. На 13 февруари 2013 година, било објавено дека Азејлија потпишала рекорден договор со Mercury Records. Во март 2013 година, Азејлија, исто така, го придружувала раперот Нас на европскиот дел од неговата турнеја Life Is Good. На 16 март 2013 година, било објавено дека Азејлија, заедно со Бијонсе, Џенифер Лопез и други пејачи, ќе настапи на добротворниот концерт „Chime for Change“, планиран да се одржи на 1 јуни во Лондон. На 23 април 2013 година, Азејлија објавила дека потпишала соло-договор за снимање со Island Def Jam. На 29 јули 2013 година, Азејлија открила дека ќе биде воведен изведувач за Бијонсе на 17 концерти во Австралија од нејзината светска турнеја Mrs. Carter Show кои ќе се одржат во октомври и ноември истата година. На 10 ноември 2013 година, Азејлија ја извела песната „Blurred Lines “ со Робин Тик на MTV Europe Music Awards во 2013 година. мини|Азејлија настапува на Ирвинг Плаза во Њујорк на турнејата The New Classic, мај 2014 година На 6 февруари 2014 година, Азејлија објавила нов сингл насловен „Fancy“ во соработка со англиската пејачка Charli XCX. „Fancy“ станал најуспешен сингл на Азејлија дотогаш и станал нејзин прв сингл кој се пласирал на американската топ-листа Billboard Hot 100. По многу одложувања и шпекулации, албумот The New Classic конечно бил објавен на 21 април 2014 година. По објавувањето, албумот дебитирал на трето место на американската топ-листа за албуми, Билборд 200.

Азејлија соработувала на синглот од американската пејачка Аријана Гранде, „Problem“, објавен на 28 април 2014 година. Набргу потоа, Азејлија се појавила и во синглот од Џенифер Лопез „Booty“. На 28 мај 2014 година, четвртиот сингл од The New Classic „Fancy“, стигнал до прво место на Billboard Hot 100 со што Азејлија станала четврта соло-раперка која се искачила на врвот на Hot 100. Истиот ден, „Problem“ се искачил на второ место на Hot 100, а Азејлија станала прв изведувач по Битлси, која истовремено ги држел првите две места на Hot 100. Песната „Black Widow“, во соработка со Рита Ора, издадена како петти сингл од нејзиниот прв албум се искачил на трето место на Billboard Hot 100. Реизданието на The New Classic, насловено како Reclassified, било објавено во ноември 2014 година; имало пет нови песни, вклучувајќи ги и новите синглови „Trouble“ со нејзината претходна соработничка Џенифер Хадсон и „Beg for It“ со MØ. лево|мини|Азејлија на MTV Video Music Awards во 2018 На 4 мај 2015 година, објавила дует со Бритни Спирс насловен „Pretty Girls“. На 30 август, на MTV Video Music Awards 2015 година Азејлија со Деми Ловато ја извела песната „Cool for the Summer“. Во март 2016 година, Азејлија открила дека основала продукциска куќа. Во јули 2016 година, таа објави дека нејзината компанија, Azalea Street Productions, потпишала договор за создавање оригинална содржина за NBCUniversal. Пролетта 2017 година, Азејлија објавила два сингла: „Mo Bounce“ и „Switch“. Во втората песна се појавува бразилската пејачка Анита. Во јануари 2018 година го објавила насловот од нејзиниот втор албум Surviving the Summer и објавила четири нови песни за бесплатно симнување преку WeTransfer. На 2 февруари 2018 година го објавила на водечкиот сингл од Surviving the Summer, „Savior“ во соработка со Quavo. На 8 јуни 2018 година, таа открила дека Survive the Summer ќе биде ЕР. На 5 јули, Азејлија објавила две нумери од ЕР-то: „Tokyo Snow Trip“ и „Kream“ во соработкасо Tyga. Survive the Summer бил објавен на 3 август 2018 година и дебитирал на 144-то место на Билборд 200. На 20 ноември 2018 година, било објавено дека таа потпишала договор за партнерство со Empire Distribution. Во јануари 2019 година ја преименувала нејзината издавачка куќа во Bad Dreams.

На 19 јули 2019 година го објавила нејзиниот албум In My Defense. На 2 декември 2019 година објавила ЕР под наслов Wicked Lips. ЕР-то било првенствено напишано од Азејлија заедно со Ноа Сајрус како ко-текстописец на „The Girls“, во кој се појавува Пабло Витар.

На 20 август 2020 година, Азејлија го издала водечкиот сингл од нејзиниот следен албум The End of an Era, „Dance Like Nobody's Watching“. По млакиот прием од публиката, Азејлија ја тргнала песната од The End of an Era и во април 2021 година го издала новиот водечки сингл од албумот „Sip It“, во соработка со Tyga. Албумот бил објавен на 13 август 2021 година. Во 2022 година, таа објавила дека нејзиниот четврти албум ќе биде продуциран од канадскиот пејач и рапер Тори Ланез, но поради тоа што Ланез пукал во раперката Меган Ти Сталион, проектот бил ставен во мирување. Во август 2023 година, Ланез бил осуден на 10 години затвор и со тоа нејзиниот четврти албум бил напуштен, а Азејлија во 2024 година најавила дека повторно се повлекува од музиката за да се насочи на покреативни проекти.

Дискографија

Албуми The New Classic (2014) In My Defense (2019) End of an Era (2021)

Спотови Спот Година Режисер Pu$$y 2011 Falkon My World 2011 Alex/2Tone The Last Song 2012 Бел Сото I Think She Ready 2012 Murda Bizness 2012 3 Little Digs, Alex/2Tone Bac 2 Tha Future (My Time) 2012 Бел Сото Work 2013 Jonas & François Slo. 2013 Rankin Bounce 2013 BRTHR Change Your Life 2013 Jonas & François No Mediocre 2014 Fancy 2014 Director X Black Widow 2014 Director X,Иги Азејлија Trouble 2015 Director X,Иги Азејлија Pretty Girls 2015 Cameron Duddy,Иги Азејлија Team 2016 Fabien Montique Mo Bounce 2017 Lil Internet Switch 2017 Том Кер Savior 2018 Колин Тили Kream 2018 Колин Тили Sally Walker 2019 Колин Тили Started 2019 Колин Тили Fuck It Up 2019 Колин Тили Lola 2019 Том Кер,Иги Азејлија Sip It 2021 Том Кер,Иги Азејлија Brazil 2021 Iam the Stripclub 2021 Money Come 2023

Наводи

Надворешни врски

Категорија:Австралиски пејачи Категорија:Живи луѓе

Категорија:Пејачи од Лос Анџелес Категорија:Поп рапери Категорија:Добитници на NME награда Категорија:Добитници на MTV Video музички награди Категорија:Добитници на MTV Europe музички награди Категорија:Родени во 1990 година Категорија:Пејачи од Сиднеј Категорија:Австралиски манекенки Категорија:Добитници на АРИА наградата