Дамчест белец (Euchloe ausonia) е пеперутка од видот на пеперутки белци. Пеперутката ја има и во Македонија.
Распространетост Оваа пеперутка живее во Средна и Јужна Европа па сè до Тибет на исток. Пеперутките претпочитаат карпести стрмни предели, напуштени земјишта, отворени маслинови полиња и ливади. Живее на надморска висина до 1600 метри.
Опис Распонот на крилјата на пеперугата е од 36 до 48 мм. Мажјакот и женката се разликуваат по мали детали, односно женката е малку поголема и има потемни нијанси. Горната страна е претежно бела, каде предниот дел има црни врвови, а задниот дел има бледо пресликување од долната страна на крилјата. Телото и антените се црни. Долната страна е бела во предниот дел со жолтеникави врвови. Задниот дел е исшаран со зелени дамки. Ларвите се хранат со растенијата Sinapis arvensis, Isatis tinctoria, Isatis glauca, Aethionema saxatile, Iberis sempervirens, Biscutella mollis, Biscutella laevigata, Bunias erucago и Aurinia saxatilis. Пеперугите имаат по две генерации годишно и летаат од март до јули.
Подвидови Подвидовите на пеперутката се: Euchloe ausonia maxima Verity, 1925 Euchloe ausonia graeca (Verity, 1925) Euchloe ausonia pulverata (Christoph, 1884) Euchloe ausonia volgensis Krulikovsky, 1897 Euchloe ausonia melisande Frühstorfer, 1908 Euchloe ausonia irinia Dubatolov & Kosterin, 1994
Наводи
Yurii Petrovich Korshunov, Pavel Yunievich Gorbunov: Dnevnye babochki aziatskoi chasti Rossii. Spravochnik. (Butterflies of the Asian part of Russia, A handbook) . Ural University Press, Ekaterinburg 1995. (In Russian) Pieridae - English translation V. V. Dubatolov, OE Kosterin: A new subspecies of the Euchloe ausonia Hubner species group from the highlands of the Dzhungarian Alatau (East Kazakhstan) (Lepidoptera, Pieridae). In: Atalanta. 25 (3/4), p. 513-520, Würzburg S.K. Basket: The Butterfly Fauna (Lepidoptera, Rhopalocera) of the Kungey Ala-Too Mt. Range (Northern Tien Shan). In: Entomological Review. 89 (7), pp. 793–804, 2009 doi : 10.1134 / S0013873809070057 Suvad Lelo: Contribution to the fauna of butterflies in Bosnia and Hercegovina. In: Acta entomologica serbica. 207, 12 (2), pp. 73–92, Belgrade V.V. Anikin: Rare and disappearing invertebrate land species of Saratov region. In: Povolzhskiy Journal of Ecology. Special Issue, 2006 (3), pp. 47–56, Saratov ISSN 1684-7318 Ahmad Katbeh-Bader, Zuhair S. Amr, Suhail Isma'el: The butterflies of Jordan. In: Journal of Research on the Lepidoptera. 37, pp. 11–26, Amman 1998 (2003) John Still: butterflies and caterpillars of Europe . Mosaik Verlag, Munich 1999, . Tom Tolman, Richard Lewington: The butterflies of Europe and Northwest Africa Harper Collins .
Поврзано Пеперутки во Македонија
Надворешни врски Пеперутки во Ерменија
Категорија:Инсекти на Македонија Категорија:Белци (пеперутки)