200px|мини|Немања Радоњиќ во дресот на Србија, 2018 година Немања Радоњи (роден на 15 февруари 1996 година) е српски професионален фудбалер кој игра за Бенфика, на позајмица од Марсеј. Тој ја претставувал и репрезентацијата на Србија .
Клупска кариера
Младинец Роден во Ниш, Радоњиќ играл во младинската академија на локалниот клуб Раднички во раните години. Претходно беше член на локалните клубови Медијана и Железничар каде ги направи првите фудбалски чекори. Како еден од најдобрите перспективи во академијата, Радоњиќ се преселил во Партизан каде поминал неколку дена, но подоцна се изјаснил како навивач на најголемиот противник, Црвена звезда. Потоа помина неколку месеци со Фудбалската академија Георге Хаги во Романија, пред да потпише петгодишен договор со Рома во 2014 година, позајмен на Емполи на една сезона. На почетокот на 2016 година Радоњиќ се врати во Србија, а како позајмен играч му се приклучи на Чукарички. Тој постигна гол на своето деби за Чукарички во српската Суперлига. На следниот натпревар, против Јагодина, постигна гол од околу 30 метри оддалеченост од гол, а подоцна асистираше за уште еден гол. Играјќи со Чукарички, Радоњиќ собра 31 настап со 4 гола во сите натпреварувања до крајот на сезоната 2016–17.
Црвена звезда Белград лево|мини|385x385пкс| Радоњиќ играјќи за Црвена звезда во 2017 година На 21 јули 2017 година, Радоњиќ се преселил во Црвена звезда. Тој потпишал петгодишен договор со својот нов клуб, формално позајмен до летото 2019 година, кога ќе му заврши договорот со Рома. Тој избрал да го носи дресот со број 49 во својот нов клуб. Радоњиќ го направи своето деби за Црвена звезда во првиот натпревар од третото квалификациско коло за УЕФА Лига Европа 2017–18, заменувајќи го Рикардо Кавалканте Мендеш во 61 минута од натпреварот против Спарта Прага, одигран на 27 јули 2017 година. Радоњиќ го постигнал својот прв гол за клубот во реваншот од плеј-оф рундата за Лигата на Европа на УЕФА, во победата со 2–1 против Краснодар. Радоњиќ го одигра своето прво вечно дерби на 27 август 2017 година, заменувајќи го Александар Пешиќ во 67 минута од натпреварот. Радоњиќ го постигна својот втор гол за Црвена Звезда во ремито 1–1 против БАТЕ Борисов на 14 септември 2017 година. Радоњиќ заработи фрактура на метатарзалната коска за време на натпреварот против Рад на 18 ноември 2017 година. Тој стана третиот играч во тимот кој се повредил на ист начин од почетокот на сезоната 2017-18, по Бранко Јовичиќ и Вања Вучиќевиќ. Враќајќи се на теренот, Радоњиќ го постигнал својот прв гол во домашната лига за Црвена Звезда во вечниот дерби натпревар, одигран на 14 април 2018 година. Подоцна, Радоњиќ постигнал четири гола на пет одиграни натпревари до крајот на сезоната вклучувајќи го и последниот натпревар против Вождовац, кога го освоил првиот трофеј во професионалната кариера. Во мај 2018 година, Радоњиќ беше избран во најдобрите 11 играчи за сезоната 2017–18 во српската Суперлига, по избор на капитените и менаџерите на клубовите. На 25 јули 2018 година, Радоњиќ постигнал два гола во првиот натпревар од второто квалификациско коло на УЕФА Лигата на шампионите 2018–19, по што бил прогласен и за играч на натпреварот во победата со 3–0 над Судува. Погодувајќи во продолженијата на натпреварот против Спартак Трнава на 14 август 2018 година, Радоњиќ обезбеди групна фаза од кампањата на УЕФА Лига Европа 2018-19 и плеј-оф квалификациската рунда за Лигата на шампионите, против Ред Бул Салцбург . На 29 август 2018 година, Црвена звезда го купи договорот од Рома, задржувајќи го Радоњиќ до јуни 2021 година.
Марсеј На 30 август 2018 година, Радоњиќ потпишал со францускиот Олимпик од Марсеј откако помогнал да се квалификува Црвена звезда за групната фаза од Лигата на шампионите Во неговиот нов клуб му бил доделен дресот со број 7. Трансферот беше пријавен како 12 милиони евра плус 2 милиони бонуси. Радоњиќ го направил своето деби за клубот во победата на домашен терен со 4–0 во Лига 1 над Генгамп на 16 септември 2018 година, заменувајќи го Димитри Паје во 84 минута
Позајмица во Херта БСЦ На 1 февруари 2021 година, Радоњиќ се приклучил на германскиот тим Херта БСЦ на позајмица за остатокот од сезоната 2020-2021.
Репрезентативна кариера мини| Радоњиќ, Јовиќ и Стојковиќ по натпреварот против Бразил на Светското првенство во фудбал 2018 година Како член на Србија до 17 години, Радоњиќ постигна 5 гола на 6 натпревари помеѓу 2012 и 2013 година, вклучително и хет-трик на мечот со Белорусија. Подоцна, тој беше член и на репрезентациите до 18 и до 19 години. Радоњиќ беше повикан во државната репрезентација на Србија до 20 години во ноември 2016 година од селекторот Ненад Лалатовиќ, кога го имал своето деби за тимот на натпреварот против Црна Гора. Како селектор на селекцијата на Србија до 21 година, Ненад Лалатовиќ исто така го покани во составот за Европското првенство за играчи до 21 година на УЕФА 2017 година. Во ноември 2017 година, Радоњиќ бил поканет во фудбалската репрезентација на Србија на турнеја во Азија од страна на кормиларот Младен Крстајиќ. Тој го направи своето деби за Србија на пријателското реми со Јужна Кореја на 14 ноември 2017 година, заменувајќи го Андрија Живковиќ во 81 минута од натпреварот.
Во јуни 2018 година, српскиот менаџер Младен Крстајиќ го вклучи Радоњиќ во последниот тим од 23 играчи за Светското првенство во фудбал 2018 година. Таму одигра два натпревари, против Швајцарија и Бразил.
Трофеи
Клуб Црвена звезда
Српска Суперлига: 2017–18
Поединечна
Тим на сезоната во српската Суперлига: 2017–18
Наводи
Категорија:Српски фудбалери Категорија:Фудбалери на ФК Рома Категорија:Фудбалери на ФК Црвена Ѕвезда Категорија:Фудбалери на ФК Олимпик Марсеј Категорија:Фудбалери на ФК Херта Категорија:Фудбалери на ФК Бенфика Категорија:Фудбалери на ФК Торино Категорија:Фудбалери на ФК Мајорка Категорија:Живи луѓе Категорија:Родени во 1996 година