«I Just Fall in Love Again» er ein popsong skriven av Larry Herbstritt, i lag med Steve Dorff, Harry Lloyd og Gloria Sklerov. Herbstritt hadde komponert melodien og akkordane for refrenget, og ein akkordprogresjon for verset, som han tok med til venen Steve Dorff. Harry Lloyd og Gloria Sklerov skreiv ferdig teksten. Songen vart opphavleg spelt inn av The Carpenters og seinare spelt inn av Dusty Springfield og Anne Murray.
The Carpenters-versjonen The Carpenters sin versjon var med på albumet Passage i 1977. Richard Carpenter meinte songen hadde stort hitpotensiale som singel, men A&M Records valde å ikkje gje han ut fordi han vart rekna som for lang for radio (like over fire minuttar) og ikkje kunne kortast ned.Carpenters •• I Just Fall In Love Again
Medverkande Karen Carpenter - solovokal Richard Carpenter - klaverinstrument Joe Osborn - bassgitar Tony Peluso - elektrisk gitar Ron Tutt - trommer Earle Dumler - obo Gregg Smith Singers - korvokal
Dusty Springfield-versjonen Sommaren 1978 spelte Dusty Springfield inn denne songen, som tidleg i 1979 kom ut på albumet Living Without Your Love, same veka som plateselskapet hennar United Artists Records vart seld. Songen vart derfor aldri gjeven ut som singel og vart i stor grad forbigått av publikum.
Anne Murray-versjonen Då den kanadiske songaren Anne Murray høryde «I Just Fall in Love Again» i 1979 med Dusty Springfield, favorittsongaren hennar, inspirerte dette henne til å spele inn sin eigen versjon av songen. Ho gav ut songen i 1979 på albumet New Kind of Feeling. Murray gav ut sin versjon som singel, og denne toppa Country-lista, og Adult Contemporary-lista i USA i tre veker. Han nådde 12. plassen på Billboard Hot 100. Det var den første i ei rekkje på tre countryhittar for Murray.
Lister Liste (1979)PlasseringCanadian RPM Country Tracks1Canadian RPM Adult Contemporary Tracks1Canadian RPM Top Singles1U.S. Billboard Hot Country Singles1U.S. Billboard Hot Adult Contemporary Tracks1U.S. Billboard Hot 10012U.K. Singles Chart58
Kjelder
Denne artikkelen bygger på «I Just Fall in Love Again» frå , den 8. februar 2015. oppgav desse kjeldene:
Bakgrunnsstoff
Kategori:Songar frå 1977 Kategori:Singlar frå 1977 Kategori:Singlar frå 1979 Kategori:Songar skrivne av Steve Dorff Kategori:Carpenters-songar Kategori:Anne Murray-songar Kategori:Dusty Springfield-songar Kategori:Songar produserte av Jim Ed Norman Kategori:Nummer-ein-singlar i Canada Kategori:A&M Records-singlar Kategori:Capitol Records-singlar