«This Christmas» er ein song av den USA-amerikanske jazzmusikaren Donny Hathaway, gjeven ut i 1970 av Atco Records. Songen fekk fornya interesse i 1991 då han var med på samleplata Soul Christmas og har sidan blitt ein moderne julestandard, og American Society of Composers, Authors and Publishers har rapportert at songen er den 30. mest framførte julesongen gjennom tidene.
Phil Upchurch har sagt at det er «den absolutt beste julesongen skriven av ein afroamerikanar». Han vart skriven av Hathaway og Nadine McKinnor.
Bakgrunn «This Christmas» vart spelt inn i Audio Finishers Studio på Ontario Street i Chicago hausten 1970. Ric Powell sa at Hathaway var «i særs godt humør under innspelinga og at han «visste kva han ønskte å gjere musikalsk og kva innverknad songen skulle ha» sidan det vart ein afroamerikansk julesong. Nadine McKinnor sa ho følte seg «velsigna som har skrive ein song med Donny som feirar mogelegheitene og forventningane til jul og all moroa og den lukkelege tida», og at skrivinga av songen «var Guds plan. Gud var i planen. Og Donny Hathaway var eit geni.»
«This Christmas» vart gjeve ut på singel i 1970, men selde dårleg, og nådde berre Julesingellista til Billboard ei enkel veke den 23. desember 1972, med ein 11. plass. I 1991 hadde Atco Records med songen på den nye utgåva av samlealbumet sitt Soul Christmas.
Andre versjonar Etter samleplata Soul Christmas i 1991 byrja mange andre artistar å spele songen, særleg pop- og R&B-artistar. Før denne utgjevinga hadde artistar som The Temptations, Gladys Knight & the Pips, og Patti LaBelle, som kalla eit julealbum opp etter songen, spelt inn songen. Diana Ross spelte inn songen i 1974 og denne vart først gjeven ut på Motown Records-samlealbumet Christmas in the City i 1993.
Andre innspelingar av songen er gjort av Gloria Estefan (1993), Christina Aguilera (2000), Destiny's Child (2001), Harry Connick jr. (2003), Aretha Franklin (2008), Cee Lo Green (2012), Lady Antebellum (2012), Pentatonix (2012), John Travolta og Olivia Newton-John (2012) og Mary J. Blige (2013). Ein versjon av Chris Brown for filmen med same namn (2007) nådde 62. plassen på Billboard Hot 100. Denne versjonen var med på lista til AccuRadio over dei fem verste julesongane.
Medverkande vokal: Donny Hathaway Elektrisk gitar: Phil Upchurch trommer: Morris Jennings trommer, basstromme, conga, bjøller: Ric Powell Barytonsaksofon: Willie Henderson Trombone: Louis Satterfield Klaverbass: Hathaway
Kjelder Denne artikkelen bygger på «This Christmas av Donny Hathaway» frå , den 9. november 2015. oppgav desse kjeldene:
Kategori:Songar frå 1970 Kategori:Singlar frå 1970 Kategori:USA-amerikanske julesongar Kategori:Atco Records-singlar Kategori:Donny Hathaway-songar Kategori:The Temptations-songar Kategori:Gladys Knight-songar Kategori:Patti LaBelle-songar Kategori:Gloria Estefan-songar Kategori:Christina Aguilera-songar Kategori:Destiny's Child-songar Kategori:Harry Connick jr.-songar Kategori:Aretha Franklin-songar Kategori:Diana Ross-songar Kategori:Cee Lo Green-songar Kategori:Lady Antebellum-songar Kategori:Olivia Newton-John-songar Kategori:Mary J. Blige-songar Kategori:Chris Brown-songar Kategori:Luther Vandross-songar Kategori:Chicago-songar Kategori:Carole King-songar Kategori:Seal-songar Kategori:Etta James-songar Kategori:Smokey Robinson-songar Kategori:Johnny Mathis-songar Kategori:Reba McEntire-songar Kategori:Jon Secada-songar Kategori:Bobby Womack-songar Kategori:The Impressions-songar Kategori:Boyz II Men-songar Kategori:Vonda Shepard-songar Kategori:Faith Evans-songar Kategori:Lonestar-songar