Ragnar Hvidsten ()Dødsannonse, Aftenposten. Besøkt 28. september 2016. var ein norsk fotballspelar frå Sandar som spelte i angrep på Sandefjord Ballklubb og Skeid i 1940- og 50-åra. Han var med i 22 landskampar i tida 1950-55.
Hvidsten, som «fløt på sin ypperlige teknikk og store hurtighet», var angripsspelar på Sandefjord BK fram til hausten 1951. Åra 1952 og -53 gjorde han teneste i oslolaget Skeid, også det eit lag som deltok i Hovedserien. Frå våren 1954 var han tilbake i Sandefjord-drakta og var med då laget spelte NM-finale i 1957.
Hvidsten debuterte på Noregs landslag i ein vennskapskamp mot Jugoslavia i november 1950. Han skåra sitt fyrste landslagsmål i ein kamp mot Irland i mai 1951 og sitt andre og siste mål mot Island i juli same året. Saman med tidlegare klubbkamerat Thorbjørn Svenssen deltok han i Sommar-OL 1952 i Finland. Hans siste kamp av i alt 22 kampar med flagget på brystet kom under nordisk meisterskap mot Sverige i september 1955.
«Bedre enn de aller fleste norske wingløpere kunne han kunsten å gå til dødølinjen og derfra åpne forsvaret med en fiks sentring like utenfor målmannens rekkevidde», skriv Magnus Breili i Fotballboken.
Merittar Tapande cupfinalist: 1957 med Sandefjord BK
Referansar
Kjelder Magnus Breili: Fotballboken, 1967. eu-football
Kategori:Norske fotballspelarar Kategori:Norske landslagsspelarar i fotball kategori:Sandefjord-spelarar kategori:Skeid-spelarar Kategori:Norske deltakarar under sommar-OL 1952 Kategori:Fotballspelarar under sommar-OL 1952 kategori:Folk frå Sandefjord