Julius Kambarage Nyerere () var ein tanzaniansk politikar og statsmann som var statsminister i Tanganyika 1961–1962, dinest president 1963–1964. Han var òg president i Tanzania frå 1964 til han pensjonerte seg i 1985. På swahili vert han ofte omtalt med tittelen Mwalimu – «lærar» – som var yrket hans før han vart vald til president.
Etter å ha studert i Storbritannia var Nyerere med på å danna sjølvstendepartiet Tanganyika African National Union (TANU) i 1954. I 1960 vart han utnemnd til regjeringssjef av britane, og i 1962 vart han den fyrste presidenten i den uavhengige nasjonen Tanganyika. Da Tanganyika vart slege saman med Zanzibar vart han den fyrste presidenten i det nye landet, Tanzania. Den sosialistiske politikken til Nyerere vert kalla Ujamaa.
I 1985 trakk han seg friviljug som president og vart etterfylgd av Ali Hassan Mwinyi. Nyerere døydde i London i 1999 av leukemi.
Kjelder
Bakgrunnsstoff
juliusnyerere.org
Kategori:Tanzanianske presidentar