Jostein Berntsen () var ein norsk gardbrukar og stortingsmann frå Rennebu i Sør-Trøndelag. I tida 1977-89 representerte han fylket og Arbeidarpartiet på Stortinget.
Far til Berntsen var gardbrukar. Sjølv gjekk han både på Jordbruksskolen for fjellbygdene, på Skjetlein jordbruksskole og Meldal yrkesskole. Berntsen arbeidde deretter på Hvam landbruksskole og var så arbeidsformann i eit anleggsgartnarfirma i Trondheim. År 1969 tok han over gardsbruket Skugglia i Rennebu og dreiv det til 1999.
Berntsen engasjerte seg i Arbeidarpartiet og var medlem av Rennebu kommunestyre 1972–77. Gjennom stortingsvalet 1977 vart han vald inn på Stortinget frå Sør-Trøndelag, og vart attvald ved dei to neste stortingsvala. Dei fyrste åtte åra var han medlem i Landbrukskomitéen, frå 1985 i Samferdslekomiteen.
Kjelder
Kategori:Stortingsrepresentantar frå Ap Kategori:Stortingsrepresentantar for Sør-Trøndelag Kategori:Stortingsrepresentantar 1977-1981 Kategori:Stortingsrepresentantar 1981-1985 Kategori:Stortingsrepresentantar 1985-1989 Kategori:Lokalpolitikarar i Rennebu Kategori:Ap-politikarar i Sør-Trøndelag Kategori:Folk frå Rennebu