«Give Ireland Back to the Irish» er ein song av Wings som kom ut som debutsingelen deira i februar 1972. Songen vart skriven av Paul McCartney og kona Linda som svar til Bloody Sunday den 30. januar det året, då britiske soldatar i Nord-Irland skaut og drap tretten irske republikanske demonstrantar. Wings spelte inn songen bere to dagar seinare i Abbey Road Studios i London. Det var den første songen til bandet med den irske gitaristen Henry McCullough.
«Give Ireland Back to the Irish» vart bannlyst av BBC og andre organisasjonar i Storbitannia og vart heller ikkje spelt på radio i USA. Singelen nådde 16. plassen på UK Singles Chart og 21. plassen på den amerikanske Billboard Hot 100, men toppa den nasjonale singellista i Irland. McCartney, som ikkje hadde gjeve ut ein så politisk song før, vart fordømt i britiske media for å vere tilsynelatande pro-IRA i Nord-Irland. Som med det første albumet til Wings, Wild Life, vart songen kritiserte av mange musikkritikarar. Dei meinte tekstane til McCartney var for enkle og såg på singelen som eit forsøk på å få krediilitet for det nye bandet sitt med å støtte ei pågåande politisk sak.
Wings framførte «Give Ireland Back to the Irish» på turneen sin i England og Wales i februar 1972. Songen kom først ut på albumet i 1993, då han var bonusspor på CD-utgåva av Wild Life. Etter eit terroriståtak i London i 2001, gjekk McCartney med på å fjerne songen frå plateboksen Wingspan.
Medverkande Paul McCartney – solovokal, bassgitar Linda McCartney – korvokal, RMI Electra Piano Denny Laine – korvokal, elektrisk gitar Henry McCullough – elektrisk gitar Denny Seiwell – trommer ikkje oppført – klapping
Salslister Liste (1972)PlasseringAustralske Go-Set National Top 4018Canadian RPM Top 10046Irish Singles Chart1Den japanske Oricon-lista31Den spanske singellista1UK Singles Chart16US Billboard Hot 10021US Cash Box Top 10038US Record World Singles Chart36
Kjelder Denne artikkelen bygger på «Give Ireland Back to the Irish» frå , den 18. mai 2018. oppgav desse kjeldene:
Kategori:Singlar frå 1972 Kategori:Apple Records-singlar Kategori:Debutsinglar frå 1972 Kategori:Nummer-ein-singlar i Irland Kategori:Nummer-ein-singlar i Spania Kategori:Paul McCartney-songar Kategori:Protestsongar Kategori:Songar produserte av Paul McCartney Kategori:Songar om Irland Kategori:Songar om The Troubles Kategori:Songar skrivne av Linda McCartney Kategori:Songar skrivne av Paul McCartney Kategori:Wings-songar