Burglinde Pollak () er ein tysk tidlegare friidrettsutøvar som representerte Aust-Tyskland. Ho tok bronsemedaljen i femkampen både under Sommar-OL 1972 og 1976, og sikra seg sølvmedaljen i i same øvinga i tre europameisterskap i rad; 1971, 1974 og 1978. Pollak sette verdsrekord i femkamp tre gongar i tida 1970-73.
Aktiv Pollak enda på åttandeplass i femkampen ved EM 1969. 19 år gammal sette ho i 1970 ny verdsrekord med 5 406 poeng. Året etter vart ho nummer to i EM 1971 i Helsinki, sigeren gjekk til vesttyske Heide Rosendahl. I Sommar-OL 1972 i München enda Pollak på tredjeplass, slått av den britisk overraskinga Mary Peters og nemnde Rosendahl. År 1973 sette Pollak på ny verdsrekord, med ein ny poengtabell sanka ho 4 831 poeng, ein rekord ho seinare i sesongen fortbetra til 4 932 poeng.
Under europameisterskapen 1974 i Roma vann Pollak sitt andre EM-sølv, 100 poeng etter vinnaren Nadezjda Tkatsjenko. To år etter enda Pollak opp med bronsemedalje då Sommar-OL 1976 fann stad i Montreal. Etter ei sjeldan tett tevling mangla ho 5 poeng i høve til landskvinnene Sigrun Siegl og Christine Laser på fyrste- og andreplass. Ved EM 1978 i Praha kneip Pollak sølvmedaljen for tredje gong, her var ungarske Margit Papp hennar overmann. I den siste internasjonale meisterskaps-femkampen utandørs, i Moskva-OL 1980, enda Pollak på sjetteplass.
Frå 1981 var sjukamp ny meisterskaps-tevling. Pollak prøvde seg på sjukamp, men fekk ikkje dreis på den nye øvinga spjutkasting. Dermed valde ho å legge opp.
Medaljar og plasseringar i internasjonale meisterskap EM 1969 i Aten: Nr 8 – 4 598 poeng EM 1971 i Helsinki: Sølvmedalje – 5 275 poeng, bak Heide Rosendahl (5 299 p) OL 1972 i München: Bronsemedalje – 4 768 poeng EM 1974 i Roma: Sølvmedalje – 4 676 poeng, bak Nadezjda Tkatsjenko (4 776 p) OL 1976 i Montreal: Bronsemedalje – 4 740 poeng EM 1978 i Praha: Sølvmedalje – 4 600 poeng, bak Margit Papp (4 655 p) OL 1980 i Moskva: Nr 6 – 4 553 poeng
Kjelder
Denne artikkelen bygger på «Burglinde Pollak» frå , den 18. juni 2026.
Bakgrunnsstoff World Athletics
Kategori:Tyske mangekjemparar Kategori:Olympiske bronsemedaljevinnarar for Aust-Tyskland Kategori:Medaljevinnarar under sommar-OL 1972 Kategori:Austtyske deltakarar under sommar-OL 1972 Kategori:Friidrettsutøvarar under sommar-OL 1972 Kategori:Medaljevinnarar under sommar-OL 1976 Kategori:Austtyske deltakarar under sommar-OL 1976 Kategori:Friidrettsutøvarar under sommar-OL 1976 Kategori:Austtyske deltakarar under sommar-OL 1980 Kategori:Friidrettsutøvarar under sommar-OL 1980