Tjuvfjordlaguna ligg på Edgeøya, ein del av Svalbard. Ho er skild frå Tjuvfjorden sørvest på øya, ved eit innløp på om lag 500 meters breidd. Området er vidare avgrensa av ein morenerygg. Laguna er den største på Svalbard og i Noreg.
Deltabreen i nordaust kalvar ut i laguna. Dyrdalen med Dyrdalselva (om lag 20 km lang). Det største dalføret på øya ligg nordvest av laguna.
Mange fugleartar hekkar her, spesielt vadefuglar. Botnen i Tjuvfjordlaguna er karakterisert som eit tørrfallsområde. Djupna varierer mellom 0 til 2 meter, avhengig av tidvatnet. Arealet varierer tilsvarande: frå om lag 37 kvadratkilometer til om lag 50 kvadratkilometer.
Kjelder
Kategori:Svalbard Kategori:Edgeøya