Per Fuglum () var ein norsk historikar. Han skreiv både generell noregshistorie og politiske monografiar, men er særleg kjent for arbeida sine om fråhaldsrørsla.
Fuglum var fødd og voks opp i Oslo, der han òg tok utdanninga si. I 1957 tok han doktorgraden på avhandlinga Ole Richter: Ungdom og stortingvirke. Frå 1961 til 1973 var han tilsett ved Historisk institutt ved Universitetet i Oslo. I 1973 fekk han stilling som professor i historie ved Universitetet i Trondheim. Han hadde stillinga til 1993, og budde i Trondheim livet ut.
Fuglum var medredaktør i Historisk tidsskrift frå 1965 til 1971.
Per Fuglum gav ut verk som Ole Richter. Statsministeren (1964) og Norge i støpeskjeen, 1884–1919 (bind 12 i Cappelens Norges historie, 1978) og En skute – en skipper: Gunnar Knudsen som statsminister 1908–10 og 1913–20 (1989). Han var aktiv i fråhaldsrørsla, og skreiv Kampen om alkoholen i Norge 1816–1904 (1972) og jubileumsskriftet til Det norske totalavholdsselskap, 125 år for alles vel, 1984.
Kjelder
Supphellen, Steinar: Nekrolog i Aftenposten, 18. juni 2008.
<div class="references-small"> Denne artikkelen bygger på «Per Fuglum» frå , den 16. september 2019.
Bakgrunnsstoff
Per Fuglums private arkiv finst ved NTNU Universitetsbiblioteket
Kategori:Folk frå Oslo Kategori:Norske historieprofessorar Kategori:Professorar ved NTNU