Marius Mihai Lăcătuș () er ein rumensk tidlegare fotballspelar og seinare -trenar frå Brasov. Han var med om å vinne Europacupen i fotball 1986 med FC Steaua București. Lăcătuș var angrepsspelar.
Klubbspel Etter to sesongar i SR Brasov i heimbyen, spelte Lăcătuș frå 1983 sju år i FC Steaua București, I 1986 var han den fyrste som skåra i straffeskytinga då Steaua vann finalen i Europacupen i fotball, etter ein mållaus kamp. Elles i denne perioden med Steaua vart han seriemeister fem gongar i rad og han vann den nasjonale cupmeisterskapen tre gongar.
Sommaren 1990 vart Lăcătuș overført til Fiorentina i Italia. Året etter gjekk han vidare til Real Oviedo og spansk ligafotball. Etter tre lite vellukka sesongar utanlands, vende han i 1993 tilbake til Steaua București der han på ny var med om å vinne serien fem gongar i rad og cupmeisterskapen tre gongar. Frå hausten 1999 var han aktiv ein halv sesong i National București.
Landslagsspel Lăcătuș fekk sin landslagsdebut i januar 1984 og aksla landslagstrøya siste gongen under VM i fotball 1998. Han spelte også i Fotball-VM 1990 i Italia og Fotball-EM 1996 i England. Gjennom desse 15 sesongane med Romanias landslag deltok han i 84 landskampar og skåra 13 mål, mellom anna begge måla då Sovjetunionen i Bari vart slått 2-0 i gruppespelet under Italia-VM 1990.
Merittar Vinnar av Europacupen: 1986 med FC Steaua București Tapande finalist i Europacupen: 1989 med FC Steaua București Seriemeister: 1985-89 og 1994-98: FC Steaua București Cupvinnar: 1985, 1987, 1989, 1996, 1997, 1999: FC Steaua București
Kjelder
<div class="references-small"> Denne artikkelen bygger på «Marius Lăcătuș» frå , den 22. oktober 2019.
eu-football
Kategori:Rumenske fotballspelarar Kategori:Steaua-spelarar Kategori:Fiorentina-spelarar Kategori:Oviedo-spelarar Kategori:Spelarar i Fotball-VM 1990 Kategori:Spelarar i Fotball-EM 1996 Kategori:Spelarar i Fotball-VM 1998