Duftspore (Gymnadenia odoratissima) er ei plante i brudesporeslekta Gymnadenia i orkidéfamilien (marihandfamilien) Orchidaceae. Ho veks ikkje i Noreg.
Utbreiing I Sverige finst duftspore (svensk namn luktsporre) på Gotland og på nokre få spreidde funnstader på fastlandet. Arten er Sverige rekna som nær truga (NT).
Arten finst òg i Estland (estisk namn lõhnav käoraamat), der han veks mest i nord og på Saaremaa. Han er rekna som sårbar (VU). I Litauen (litauisk namn kvapusis plauretis) vart han første gong funnen i 1979 og er kjend frå ein enkelt lokalitet sør i landet. Han er rekna som kritisk truga (CR).
I Benelux har tidlegare registreringar av arten (nederlandsk namn welriekende muggenorchis, fransk namn orchis odorant) i Nederland synt seg å vere hybridar mellom brudespore og artar i marihandslekta. I Flandern i Belgia er han ikkje registrert, medan det finst nokre få funn i Vallonia. I den belgiske raudlista for Vallonia er arten rekna som kritisk truga (CR, en danger critique). I Luxembourg er han rekna som regionalt utdøydd (RE).
I Tyskland er arten (tysk namn Duft-Händelwurz) rekna som sårbar (VU, gefährdet), i Polen (polsk namn gółka wonna) veks han heilt i sør og er rekna som nær truga (NT, bliski zagrożenia).
Hybridar Hybriden mellom duftspore og brudespore (Gymnadenia conopsea × odoratissima eller Gymnadenia ×intermedia) har vore registrert i Sverige.
Duftspore kan òg danne ein intergenerisk hybrid (hybrid mellom ulike slekter) med skogmarihand (Dactylorhiza maculata ssp. fuchsii × Gymnadenia odoratissima), som òg er registrert i Sverige.
Referansar
Bakgrunnsstoff
Kategori:Orkidear i Sverige Kategori:Orkidear i Estland Kategori:Orkidear i Litauen Kategori:Orkidear i Belgia Kategori:Orkidear i Luxembourg Kategori:Orkidear i Tyskland Kategori:Orkidear i Polen Kategori:Brudesporeslekta