Hot Chip er eit band som blei skipa i London i 2000 og som hovudsakleg speler elektronisk musikk. Dei har gitt ut fem studioalbum - Coming on Strong, The Warning, Made in the Dark, One Life Stand og In Our Heads.
Historie
Coming on Strong Etter å ha gitt ut plater på eiga hand i eit par år, skreiv bandet i 2003 under på ein kontrakt med Moshi Moshi, og gav der ut debut-LP-en sin, Coming on Strong i 2004. I løpet av denne perioden kom Felix Martin og Al Doyle med i bandet. Gruppa byrja å arbeida med det andre albumet sitt, og skreiv under kontrakt for å gje det ut i Storbritannia og USA med DFA Records og EMI. DFA og Astralwerks gav ut debutalbumet i USA for fyrste gong mot slutten av 2005.
The Warning I 2006 gav Hot Chip ut det andre albumet sitt, The Warning. På grunn av kontrakten sin med EMI i Storbritannia, fekk gruppa meir merksemd i media, og frå kritikarar. Albumet blei nominert til Nationwide Mercury Prize 2006, og vart blei som årets album av Mixmag. To av singlane frå albumet, «Over and Over» (mars 2006) og «Boy from School» (mai 2006), hamna på UK Singles Chart. «Over and Over» fekk òg ein del merksemd på grunn av musikkvideoen, som var regissert av Nima Nourizadeh. Singelen blei utnemnd som årets singel i 2006 av det britiske musikkmagasinet NME.
Made in the Dark Bandet gav ut det femte studioalbumet sitt, Made in the Dark, den 4. februar 2008. Den første singelen frå albumet var «Shake a Fist», som blei gitt ut i avgrensa opplag på ein einsides 12" i august 2007. Den andre singelen var «Ready for the Floor» i januar 2008, som hamna på sjetteplass i Storbritannia. I samanheng med reklamekampanjen for «Ready for the Floor» hadde gruppa ein opptreden på tv-programmet Friday Night with Jonathan Ross i januar 2008, og Joe Goddard deltok på Never Mind the Buzzcocks den 31. januar. I februar 2008 opptredde bandet på to amerikanske talkshow, Jimmy Kimmel Live! og Last Call with Carson Daly. Mot slutten av 2008 blei «Ready for the Floor» nominert til ein grammypris for beste dancesong, men tapte for Daft Punk sin «Harder, Better, Faster, Stronger». Den 7. mai 2008 blei den tredje singelen, «One Pure Thought», framført på Live Lounge på britiske Radio 1. Musikkvideoen for songen blei vald som ein av dei beste i 2008 på AllMusic.com.
One Life Stand Etter å ha fullført ein verdsturné i februar 2009, vende Hot Chip tilbake til London, der dei byrja å skriva og spela inn dei fjerde albuma sitt, One Life Stand.
One Life Stand kom ut den 1. februar 2010.
In Our Heads Det sjølvproduserte femte studioalbumet, In Our Heads, kom ut den 11. juni 2012 gjennom Domino.
Medlemmer
Alexis Taylor – vokalist, synthesizer, gitar, perkusjon, piano Joe Goddard – vokalist, synthesizer, perkusjon (òg med i The 2 Bears) Owen Clarke – gitar, bassgitar, synthesizer, perkusjon Al Doyle – gitar, bakgrunnsvokal, synthesizer, perkusjon, bassgitar, flygelhorn, steel pans (spelte òg gitar, bassgitar, synth, og perkusjon for LCD Soundsystem) Felix Martin – trommemaskin, synthesizer, programmering Sarah Jones (frå New Young Pony Club) - byrja å spela trommar og bakgrunnsvokal under Hot Chip's 2012 tour og var med i den offisielle musikkvideoen for «Night and Day», regissert av Peter Serafinowicz. Rob Smoughton aka Grovesnor - spelte trommar, gitar, perkusjon, bakgrunnsvokal og synth for Hot Chip medan dei turnerte i 2010 og blei medlem av bandet i 2012
Gjestemedlemmer
Leo Taylor – trommar (spelar trommar for The Invisible) Charles Hayward – trommar Fimber Bravo – steel pan
Diskografi
Coming on Strong (2004) The Warning (2006) Made in the Dark (2008) One Life Stand (2010) In Our Heads (2012)
Prisar og nominasjonar
Grammy Awards ÅrNominert verkPrisResultat2009Hot ChipBest Dance Recording for "Ready for the Floor"Nominert
Mercury Prize ÅrNominert verkPrisResultat2006Hot ChipMercury Music PrizeNominert
Virgin Media Music Awards ÅrNominert verkPrisResultat2010Hot ChipBeste video for «I Feel Better»Nominert2010Hot ChipBeste album for "One Life Stand"Nominert
Kjelder
Denne artikkelen bygger på «Hot Chip» frå , den 2. august 2022.
Bakgrunnsstoff
Kategori:Musikkgrupper skipa i 2000 Kategori:Britiske popgrupper Kategori:Britiske musikkgrupper