Alootook Ipellie () var ein inuittisk grafisk kunstnar, politisk og satirisk vitseteiknar, forfattar, fotograf og inuktitut-omsetjar.
Bakgrunn Ipellie var fødd i den vesle jaktleiren Nuvuqquq i nærleiken av Frobisher Bay, no kjend som Iqaluit, på Baffinøya. Staden tilhøyrde då Nordvestterritoria og er no del av Nunavut. Far hans, Joanassie, døydde i ei jaktulukke før Ipellie var blitt eitt år gammal, og mor hans, Napatchie, flytta med han til bygda Frobisher Bay. Bestefar hans var bilethoggaren Ennutsiak.
Der var ingen high school i nærleiken av staden han budde, så han måtte flytta for å fullføra utdanninga si. Ipellie enda opp ved High School of Commerce i Ottawa, der han oppdaga dei kunstnariske evnene sine. Han slo seg til slutt ned i Ottawa.
Karriere Ipellie verka som journalist, stripeteiknar og redaktør for Inuit Monthly ( også kjent som Inuit Today) på 1970- og 1980-talet. I 1974 byrja han å laga seriestripa Ice Box, som blei ein fast serie i Inuit Monthly.
Han skapte så seriestripa Nuna and Vut på 1990-talet. Denne teikneserien tok for seg inuittliv under skapinga av territoriet Nunavut. Med humor og illustrasjonar kommenterte han samfunnstilhøve og ulikskapar i inuittsamfunn.
Poesi og prosa I 1971 gav Department of Indian Affairs and Northern Development (DIAND) ut tre illustrerte dikt av den då 17 år gamle Ipellie i tidsskriftet North.This May–June 1971 article was published in North , a scarce publication by the Department of Indian Affairs and Northern Development in Ottawa.)
Andre dikt av han er blitt gjevne ut i diktantologiar og tidsskrift, som «Nipikti the Old Man Carver», «Frobisher Bay Childhood», «Damn Those Invaders» og «Siqiniq 'The Sun'».
I 1993 blei den fyrste boka som berre inneheldt Ipellie sine soger og teikningar ut – Arctic Dreams and Nightmares.
I 2005 skreiv Ipellie forordet til den illustrerte boka The Diary of Abraham Ulrikab: Text and Context. Boka fortalde soga om Ulrikab (1845–1881), som blei ein menneskeleg attraksjon i ei av Carl Hagenbeck sine etnografiske framsyning i Hamburg i Tyskland. Boka blei gjeven ut på tysk i 2007.
I 2007 gav han ut den illustrerte boka The Inuit Thought of It: Amazing Arctic Innovations, omsett til fransk som Innovations inuites: il fallait y penser, som var skrive i lage med David MacDonald. Boka vann fleire prisar, mellom anna Canadian Children’s Book Centre sin pris Best Books for Kids & Teens in 2008.
Han skreiv også stoff om Nunavut for Inuit.net saman med Carol Rigby.
Den illustrerte boka I Shall Wait and Wait kom ut i 2009, etter at Ipellie døydde, skildra tradisjonell inuittisk selfangst.*
Kunst av Ipellie finst i fleire samlingar og galleri, mellom anna Carleton University Art Gallery,CUAG Inuit Art Collection Canada Council Art Bank i OttawaBen-Ho Wins the Biggest Race of his Life, Thumbs Down 2007 og Richard F. Brush Art Gallery ved St. Lawrence University i New York."Canadian Government Laboratory" "Maternity Den - Soap Box"
Prisar og utmerkingar I 2019 blei Ipellie teken inn i Canadian Cartoonists Hall of Fame.
Død Ipellie døydde av hjarteinfarkt i Ottawa i Ontario då han var 56. Han etterlet seg ei dotter, Taina Ipellie.
Kjelder
Denne artikkelen bygger på «Alootook Ipellie» frå , den 24. november 2022.
Kategori:Inuittiske forfattarar Kategori:Kanadiske forfattarar Kategori:Folk frå Nunavut Kategori:Døde i 2007