Krystian Jan Ochman (), kjend musikalsk under etternamnet Ochman, er ein polsk-amerikansk songar og låtskrivar. Han vart kjend i Polen då han vann den ellevte sesongen av The Voice of Poland og representerte Polen i Eurovision Song Contest 2022.
Bakgrunn Ochman vart fødd av polske foreldre i Melrose i Massachusetts i USA. Som barn lærte han å spele trompet og piano, og på high school tok han songtimar. Han spelte seinare rolla som prinsen i ei skuleoppsetjing av Oskepott. Etter high school flytta han til Polen og Katowice for å studere ved musikkhøgskulen Akademia Muzyczna im. Karola Szymanowskiego w Katowicach.
I 2020 deltok Ochman i auditionrundane til den ellevte sesongen av The Voice of Poland. Han vart med på laget til artisten Michał Szpak, og vann seinare heile tevlinga. Etter sigeren skreiv han kontrakt med Universal Music Polska. Han gav ut debutsingelen «Światłocienie» og sidan debutalbumet Ochman i 2021.
Vinteren 2022 kunngjorde Telewizja Polska (TVP) at Ochman var ein av deltakarane i den polske nasjonale finalen til Eurovision Song Contest 2022. Han deltok med låten «River», som han hadde skrive saman med Ashley Hicklin, Adam Wiśniewski og Mikołaj Trybulec. I finalen 19. februar 2022 gjekk han til topps og fekk representere Polen i Eurovision Song Contest 2022 i Torino. Der enda han på tolvteplass med låten «River».
Ochman er barnebarn av den internasjonalt kjende polske tenoren Wiesław Ochman.
Diskografi Album 2021 – Ochman
Singlar 2020 – «Światłocienie» 2021 – «Wielkie tytuły» 2021 – «Wspomnienie» 2021 – «Prometeusz» 2021 – «Ten sam ja» 2021 – «Złodzieje wyobraźni» 2022 – «River» 2022 – «Bittersweet» (med Opał)
Referansar
Denne artikkelen bygger på «Krystian Ochman» frå , den 13. desember 2022.
Kategori:Polske songarar Kategori:USA-amerikanske songarar Kategori:Polske musikarar Kategori:USA-amerikanske musikarar Kategori:Polske Eurovision Song Contest-deltakarar Kategori:Polske Eurovision Song Contest-låtskrivarar Kategori:Eurovision Song Contest 2022-deltakarar Kategori:Eurovision Song Contest 2022-låtskrivarar Kategori:Polsk-amerikanarar Kategori:Folk frå Massachusetts