Anita Krohn (tidlegare Krohn Traaseth; ) er ein norsk næringslivsleiar. Ho var administrerande direktør i Innovasjon Norge frå 2014 til 2019 og administrerande direktør i Hewlett-Packard Norge AS frå 2012 til 2014. Ho er no konsernleiar i investeringsselskapet DSD og styreleiar i ei rekkje selskap og organisasjonar, blant dei Startup Norway og Bocuse d’Or Norge.
Karriere Krohn er oppvaksen i Sandefjord, og flytta seinare til Oslo. Ho har utdanning innan leiing og kommunikasjon frå Handelshøyskolen BI. Ho starta karrieren sin som trainee i IBM i 1996. Ho har vore administrerande direktør i kommersialiseringsselskapet Simula Innovation og leiar av gründerselskapet Intelligent Quality. Ho var strategidirektør i Det Norske Veritas Software frå 2002 til 2005.aftenposten.no Anita Krohn Traaseth ny direktør i Innovasjon Norge 23.05.2014 Ho vart tilsett som leiar for den norske programvareavdelinga av Hewlett-Packard i 2009, og var administrerande direktør i Hewlett-Packard Norge frå 2012 til 2014. I august 2012 byrja ho å publisere ein personleg blogg om leiing med tittelen Tinteguri.Denne søknaden ga henne topplederjobben – Aftenposten, 30. august 2012
I 2014 vart Krohn tilsett som administrerande direktør i Innovasjon Norge.innovasjonnorge.no Anita Krohn Traaseth ny administrerende direktør i Innovasjon Norge 22.05.2014 I 2018 vart det kjent at styreleiaren Per Otto Dyb ønskte å setje stillinga til Krohn på dagsorden i styret, og i samband med dette skreiv Aftenposten at Krohn i 2016 hadde fått ei skriftleg åtvaring frå eit samla styre i Innovasjon Norge for blant anna mangelfull rolleforståing, manglande evne til å ta kritikk og problematiske utspel, og med ei liste på 13 «forbetringspunkt».«Styret ga Innovasjon Norge-direktør Anita Krohn Traaseth en liste på 13 forbedringspunkter», Aftenposten 9. mars 2018 Næringsminister Torbjørn Røe Isaksen stansa styrebehandlinga. Etter at Per Otto Dyb fekk beskjed om at han ikkje var innstilt til attval som styreleiar og deretter trekte seg, uttala fungerande styreleiar Jørand Ødegård Lunde at «styret har tillit til administrerende direktør så lenge ikke noe annet er behandlet i styret». Dei tillitsvalde i Innovasjon Norge gav si støtte til Krohn. Avisa Dagens Næringsliv fann ingen kritikk mot Krohn i styreprotokollane. 22. november 2018 sa Krohn opp stillinga si i Innovasjon Norge.Anita Krohn Traaseth går av som administrerende direktør i Innovasjon Norge, Aftenposten, 23. november 2018 Resultatet for Innovasjon Norge det året vart skildra av Aftenposten som «tidenes beste».
2. juli 2019 vart det kunngjort at Krohn skulle leie regjeringa sitt rådgjevande utval for innovasjon og vekst i grøntsektoren. I august 2019 vart Krohn også tilsett i ei seks månaders prosjektstilling som rådgjevar for rektor Curt Rice ved Oslomet – storbyuniversitetet.«Krohn Traaseth skal hjelpe Curt Rice med ledelse på Oslomet», Khrono, 29. august 2019 I juli 2019 vart Krohn styremedlem i European Innovation Council.Anita Krohn Traaseth starter som rådgiver for Europakommisjonen - Aftenposten 27. juli 2019
Forfattarskap Den 3. mars 2014 publiserte Krohn som debutant på Cappelen Damm boka Godt nok for de svina: en leders refleksjoner om mot, sårbarhet og troverdighet, og boka gjekk rett inn på fyrsteplass på bestseljarlista i Noreg i kategorien «generell litteratur». I august 2014 vart boka lansert på engelsk, på Amazon.com som e-bok. I september 2019 kom Krohn sin fyrste roman Kamel uten filter på forlaget Aschehoug. Våren 2020 lanserte ho saman med Fremantle media mentorpodcasten Godt nok for de svina, som låner namnet frå den fyrste boka hennar. I april 2021 kom Fisken på disken, ein frittståande oppfølgjar til Godt nok for de svina, og også denne gjekk rett inn på fyrsteplass på bestseljarlista.
Prisar og utmerkingar Krohn har motteke fleire prisar, blant dei:
Top 50 Global Business Thinkers 2018 av Thinkers 50 Radar Top 10 Diversity Champions – The Economist's Global Diversity List 2015 Top 20 Women in Business in Northern Europe 2015 Top 50 Most Inspiring Women in Tech 2014/2015 Årets sosiale medier-personlegdom i 2013 av Kampanje Odaprisen 2012, som beste kvinnelege leiar i IT-bransjen i Norge Bibliografi Godt nok for de svina : En leders tanker om mot, sårbarhet og troverdighet, Cappelen Damm (2014) ISBN 978-82-02-43706-0 Good Enough for the ‘Bastards’: Courage - Vulnerability - Credibility. Confessions of a Female Leader, Cappelen Damm (2014) Kamel Uten Filter, Aschehoug (2019). Fisken på disken: Om å ta valg, Cappelen Damm (2021).
Kjelder
Denne artikkelen bygger på «Anita Krohn» frå , den 10. mars 2023.
Bakgrunnsstoff Anita Krohn hos Store Norske Leksikon Anita Krohn hos Internet Movie Database.
Kategori:Norske forretningsfolk Kategori:Norske direktørar Kategori:Norske forfattarar