Inger Elisabeth Granneman () var ein norsk revyskodespelar, songar, musikar og forfattar. Ho var også populær i Sverige. I byrjinga av karrieren sin vart ho kalla «Den syngende husmor fra Lørenskog».
Liv og virke Som tenåring var Grannemann elev av Robert Riefling. I 1947 debuterte ho på scena, hos Jens Book-Jenssen på Chat Noir, men foreldra hennar kom og henta ho etter nokre få framsyningar.
Granneman var seinare med i ei rekkje radio- og TV-program. Ho medverka også på mange plateinnspelingar, blant anna på Philips (1959–1962), Triola (1962–1964) og Polydor (1965–1969). Frå 1959 var ho tilknytt Chat Noir. I 1960 hadde Granneman stor suksess med songen «Alle venter på sommer», som hadde tekst skriven av Juul Hansen. I 1962 spela ho inn på plate revynummeret «Omatt og omatt», med tekst av Bias Bernhoft og Bjørn Sand.
Ho deltok fleire gongar i Melodi Grand Prix. I 1964 vann ho og Arne Bendiksen Melodi Grand Prix med songen «Spiral».
Grannemann gjorde seg også merka med imitasjonar, blant anna av kong Olav V og Cornelis Vreeswijk. Granneman vart tildelt Leonardstatuetten i 1986 og Leif Justers ærespris.
Granneman komponerte også og skreiv tekster til fleire songar og skreiv fleire barnebøker. Den fyrste var Revefamilien i Vriomskogen frå 1967. I 1983 gav ho ut sjølvbiografien Kjære publikum!
I 1989 gav ho ut kokeboka God gammeldags mat saman med sonen Jan Granneman, som var profesjonell kokk. Elisabeth Granneman opplyste i føreordet at ho sjølv hadde drive serveringsstadane «Naustet» i Son og «Skrivargarden» på Stord. Kokeboka fekk terningkast 6 i VG.
Granneman var på slutten av livet programleiar, saman med Robert Aschberg, talkshowet I kveld med Robert Aschberg på TV3. Sjukdom og dårleg helse generelt gjorde at ho frå hausten 1991 berre opptredde sporadisk i programmet.http://www.retriever-info.com/proxy/?id=055016199109111eyYN33cberQ3ZveGI0J8gCj100201010v18&x=11fef41e79240dc04121b2099b9209ed Ho skulle etter planen returnere for fullt vinteren 1992, men ei hjernebløding i byrjinga av januar forhindra det. Ho leid i tillegg av diabetes, astma, nedsett nyrefunksjon og vatn i lungene.http://www.retriever-info.com/proxy/?id=055016199201033rt74p0EIrOU3bszUV2fGhNG100201011019&x=5f8c4b9929f3c08abc059f288a489c85 Robert Aschberg laga eit hyllingsprogram om henne like etter at ho døydde i mars 1992, der sjåarane vart presenterte eit utval av klipp med Grannemann som var henta frå serien.http://www.retriever-info.com/proxy/?id=055016199203310wziOG2twlPr4n867t3n4FeS10020101171n&x=93c229b75fc2e64a200fa3550dfede5f
Deltakingar i Melodi Grand Prix ÅrTittelPlassering1960«Et sommereventyr»Fjerdeplass1964«Spiral»Vinnar*«God gammel firkantet vals»Andreplass1969«B.M. Fordomsfri»Tredjeplass
* Arne Bendiksen framførte «Spiral» i Eurovision Song Contest, der han kom på ein åttandeplass.
Diskografi Album 1972: Elisabeth Grannemann 1976: Løvebakken smiler 1976: Omatt og omatt 1979: De gamle gode med Arne Bendiksen og Elisabeth Granneman 1980: Lykkehjulet
Utvalde songar 1959: «Tenk en mann» (Tekst: Elisabeth Granneman) 1959: «You All Come» (Tekst: Elisabeth Granneman) 1959: «Toledo» (Tekst og melodi: Elisabeth Granneman) 1959: «Kjære Billy» (Tekst og melodi: Elisabeth Granneman)
Filmografi 1961: Sønner av Norge 1962: Operasjon Løvsprett 1964: Operasjon Sjøsprøyt – Rita Rønneman, popsongarinne 1965: Hjelp – vi får leilighet! (husmorfilm) – kontordame 1968: Mannen som ikke kunne le 1973: Kofferten (TV) 1985: Deilig er fjorden! – Dame på diskotek 1 1986: Hud – Mora 1991: Måken – Vertinne 1992: Nordexpressen – Raggan
Bibliografi 1967 – Revefamilien i Vriomskogen, barnebok, illustrert av Grethe Berger 1983 – Kjære publikum! 1989 – God gammeldags mat, medforfattar: Jan Granneman
Kjelder
Denne artikkelen bygger på «Elisabeth Grannemann» frå , den 14. mars 2023.
Bakgrunnsstoff
Elisabeth Grannemann hos Internet Movie Database Elisabeth Grannemann hos The Movie Database
Kategori:Norske songarar Kategori:Norske skodespelarar Kategori:Norske barnebokforfattarar Kategori:Melodi Grand Prix-vinnarar Kategori:Melodi Grand Prix 1960-deltakarar Kategori:Melodi Grand Prix 1964-deltakarar Kategori:Melodi Grand Prix 1969-deltakarar Kategori:Folk frå Bergen