Jørgen Erikssøn (Haterslevenis) () var superintendent (biskop) i Stavanger frå 1571 til han døydde.
Karriere Jørgen Erikssøn var i 1559–1560 rektor ved katedralskulen i Bergen og 1560–1566 slottskapellan på Bergenhus. Deretter studerte han fleire år i København og Wittenberg, tok magistergraden i filosofi i København.
I 1571 vart Jørgen utnemnd til superintendent i Stavanger. Med vilje og kraft innførte han den lutherske kyrkjeordenen i stiftet. Han førte tett tilsyn med prestane og meinigheitene, gjennomførte streng kyrketukt, restaurerte domkyrkja og styrkte skulen.
I Stavanger heldt Jørgen kraftige botspreiker over profeten Jonas, og utgav dei i 1592 for å rettleie prestane. Desse Jonæ Prophetis skiøne Historia udi 24 Predicken begreben, er, saman med Jens Nilssøn sine preiker, det viktigaste minnet om forkynninga i Noreg i reformasjons-hundreåret.
Kjelder
Jørgen Erikssøn i Store norske leksikon på snl.no. Henta 21. mai 2023.
Kategori:Norske biskopar