Albina Kelmendi ) er ein kosovoalbansk songar og låtskrivar. Ho blei kjend for eit albansk publikum i 2014, då ho blei nummer to i den fjerde sesongen av The Voice of Albania. Ho representerte Albania i Eurovision Song Contest 2023 saman med fem av familiemedlemmane sine.
Bakgrunn og karriere Albina Kelmendi blei født i Peja i Kosovo, som då var ein del av FR Jugoslavia. Ho lærte å spele klarinett og piano ved ein musikkskule i heimbyen, og ho opptredde etter kvart saman med familien under namnet «Family Band».
I 2014 fekk Kelmendi stor merksemd då ho deltok i den fjerde sesongen av albanske The Voice. Der enda ho til slutt på andreplass bak Aslaidon Zaimaj. I 2015 deltok ho i songfestivalen Top Fest med songen «Nuk ka ma mire».
I juni 2022 slapp Kelmendi debutalbumet Nana loke. I desember same år deltok ho og fem familiemedlemmar i den 61. utgåva av Festivali i Këngës under namnet «Albina & Familja Kelmendi». Festivalen blir arrangert av den albanske ålmennkringkastaren RTSH og har sidan 2004 blitt brukt til å velje den albanske representanten til Eurovision Song Contest.
Albina & Familja Kelmendi deltok med songen «Duje», og fagjuryen plasserte bidraget på andreplass i tevlinga, men RTSH heldt ei eige telefonavrøysing for å avgjere kven som skulle få representere landet i Eurovision Song Contest 2023 i Liverpool. «Duje» vann telefonavrøystinga, og Albina & Familja Kelmendi fekk dimed representere Albania i Liverpool. Der enda dei på 22. plass i finalen.
Merknadar
Kjelder
Denne artikkelen bygger på «Albina Kelmendi» frå , den 3. mars 2024.
Kategori:Kosoviske songarar Kategori:Albanske Eurovision Song Contest-deltakarar Kategori:Eurovision Song Contest 2023-deltakarar