Bakongofolk eller kongofolk (tyder ‘jeger’) er ei folkegruppe frå atlanterhavskysten av Sentral-Afrika, nærare bestemt frå Pointe-Noire (Brazzaville) til Luanda i Angola. Folkegruppa er ei undergruppe av bantufolk som hovudsakleg er kjenneteikna av at dei talar kikongo. På kikongo er folket blitt omtalt som besikongo, med mwisikongo som eintalsform, eller , eintal eller m'kongo. Seint på 1900-talet var det rundt 10 220 000 menneske som tilhøyrde dette folket.
Kongofolk var tidlegare tidlegare innbyggjarar i det velorganiserte og sentraliserte Kongoriket, men er no innbyggjarar i tre ulike land. Dei største konsentrasjonane av folkegruppa bur sør for Pointe-Noire i Republikken Kongo, sørvest for Pool Malebo og vest for elva Kwango i Den demokratiske republikken Kongo og nord for Luanda i Angola. Dei er den største folkegruppa i Republikken Kongo og ei av dei største gruppene i dei andre to landa dei bur i.
Undergrupper av kongofolket er mellom anna beembe, bwende, vili, sundi, yombe, dondo og lari.
Kjelder
Denne artikkelen bygger på «Kongo (folk)» frå , den 17. august 2025.
Kategori:Afrikanske folkegrupper Kategori:Folkegrupper i Angola Kategori:Folkegrupper i Republikken Kongo Kategori:Folkegrupper i Den demokratiske republikken Kongo