João Manuel Gonçalves Lourenço () er ein angolansk general, politikarar og president. Han var generalsekretær for MPLA mellom 1998 og 2003 og blei forsvarsminister i 2014.
Lourenço blei vald til den tredje presidenten i Angola den 23. august 2017. Han blei innsett 26. september 2017 som etterfølgjar av José Eduardo dos Santos.
I perioden frå februar 2025 til februar 2026 er Lourenço leiar for den afrikanske unionen.
Bakgrunn João Lourenço er son til legen João Lourenco Sequeira frå Malange og sydama Josefa Gonçalves Lourenço Cipriano frå Namibe. Han blei fødd i Lobito og gjekk på grunnskolen i Bié-provinsen, der far hans var statstenesteman. Faren var nasjonalist, sat tre år i fengsel i São Paulo i Luanda for å ha deltatt i hemmeleg politisk aktivitet. Lourenço studerte vidare ved Industrielt Institutt i Luanda. I 1978 reiste Lourenço til Sovjetunionen der han studerte historie og heldt fram med militærutdanninga. I tillegg til portugisisk snakkar han russisk og spansk. Han er gift med Ana Afonso Dias Lourenço og er far til seks born.
Militær karriere Etter Nellikrevolusjonen i Lisboa søkte Lourenço militærteneste i Ponta Negra i Namibe i august 1974. Han deltok i slag i Kabinda, blei utdanna til artilleriofiserar og gjekk inn i MPLA. Etter militærutdanning i Sovjetunionen kom han tilbake i 1982 og deltok i den angolanske borgarkrigen.
Politisk karriere Lourenço sitt valprogram, biografi og politiske embete blei presentert i avisa Journal de Angola den 4. februar 2017.
Politiske embete 1984–1987: Guvernør i Moxico 1987–1990: Guvernør i Benguela 1990–1992: Forsvarsmann 1992–1997: Sekretær for informasjon i MPLA 1993–1998: Gruppeleiar for MPLA i den angolanske nasjonalforsamlinga 1998–2003: Generalsekretær for MPLA 1998–2003: Formann i Konstitusjonskomiteen 2003–2014: Fyrste visepresident i nasjonalforsamlinga
Kjelder
Denne artikkelen bygger på «João Lourenço» frå , den 24. august 2025.
Bakgrunnsstoff
Kategori:Leiarar for Den afrikanske unionen Kategori:Angolanske politikarar