Labuan (), offisielt Wilayah Persekutuan Labuan, er eit føderalt territorium i Malaysia. Det omfattar øya Labuan og seks mindre øyar utanfor Sabah i Aust-Malaysia. Hovudstaden i Labuan er Victoria. Namnet «Labuan» er avleidd frå det malayiske ordet labuhan, som tyder ‘hamn’.
Geografi Labuan-territoriet omfattar hovudøya (Labuan på 91,64 km²) og seks andre mindre øyar, Burung, Daat, Kuraman, Store Rusukan, Vesle Rusukan og Papan med eit totalt område på 91,64 km². Øyane ligg 8 kilometer frå kysten av Borneo, ved grensa til delstaten Sabah og nord for Brunei Darussalam, ved den nordlege enden av Brunei-bukta som vender mot Sør-Kina-havet. Labuan-øya er hovudsakleg flat og bølgjande. Det høgaste punktet er Bukit Kubong på 148 meter over havet. Over 70 % av øya er framleis dekka av vegetasjon. Det viktigaste byområdet, Victoria, ligg vendt mot Brunei Bay.
Folkesetnad
høgre|mini|An-Nur statlege moske i 2021. høgre|mini|Kwang Fook Kong-tempelet. Ifølge statistikkdepartementet i Malaysia hadde Labuan 86.908 innbyggjarar ved folketeljinga i 2010 og 95.120 ved folketeljinga i 2020.Dept. of Statistics Malaysia (web) Den etniske samsetjinga i Labuan i 2020 var: Kedayan- og brunei-malayar (34 068), Kadazan-dusun (9 408), bajaufolk (6 866), murutfolk (1265), kinesarar (9.843), indarar (891), lundayeh og andre folkegrupper (21.947), og ikkje-malaysiske borgarar (10 832). Størsteparten av kinesarane i Labuan er frå hokkien-dialektgruppa (men har sidan minka på grunn av migrasjon til fastlandet og utlandet); men det er òg mange hakkafolk her, dei fleste er migrantar eller etterkommarar av migrantar frå fastlandet Sabah og lokalfødde.
Ved folketeljinga i 2010 var 76,0% av folkesetnaden muslimar, 12,4% kristne, 9,0% buddhistar, 0,4% hinduar, 2,1% frå andre religionar og 0,1% ikkje-religiøse.
Kjelder
Denne artikkelen bygger på «Labuan» frå , den 11. april 2026.
Kategori:Det maritime Søraust-Asia Kategori:Øyar i Sørkinahavet Kategori:Øyar i Malaysia Kategori:Artiklar med tekst på tysk