Jon Gunnes () er ein norsk ingeniør og politikar som representerte Sør-Trøndelag og partiet Venstre på Stortinget 2017–2021.
Bakgrunn Gunnes utdanna seg 1977–1979 i elektro sterkstraum ved Trondheim Ingeniørhøyskole og i sosialøkonomi 1984 ved Universitetet i Oslo. Etter å ha arbeidd for Statkraft nokre år, var han 1984–1986 og 1991–1997 tilsett i Trondheim Elektrisitetsverk. I perioden mellom 1986 og 1991 hadde han jobb i Samkøyringa av kraftverka i Noreg, og 1997–2007 var han avdelingsleiar i firmaet Powel.
Mellom 2006 og 2008 var Gunnes leiar av Byåsen Idrettslag.
Politisk karriere Gunnes var medlem 1995–1999 i Trondheim bystyre og på ny frå 2007, då med sete i formannskapet. I perioden 2014–2018 var han med i Venstre sitt landsstyre. Frå 2015 til 2017 var han kommunalråd. Ved stortingsvalet 2017 fekk han plass i Stortinget på sørtrønderbenken. I fireårsperioden var han medlem av Transport- og kommunikasjonskomitéen.
Kjelder
Kategori:Stortingsrepresentantar 2017-2021 Kategori:Stortingsrepresentantar for Sør-Trøndelag Kategori:Stortingsrepresentantar frå Venstre Kategori:Fylkestingspolitikarar i Trøndelag Kategori:Fylkestingspolitikarar frå Venstre Kategori:Norske ingeniørar Kategori:Folk frå Trondheim