Anthony Norman Albanese () er ein australsk politikar som er den 31. og sitjande statsminister i Australia. Han har vore leiar for Australian Labor Party (ALP) sidan 2019, og parlamentsmedlem for ALP sidan 1996. Han var statsråd i regjeringa til Kevin Rudd frå 2007 til 2010 og i regjeringa till Julia Gillard frå 2010 til 2013. Då Kevin Rudd danna ny regjering i juni 2013 blei han visestatsminister fram til regjeringa gjekk av i september same året.
Liv og virke Albanese er fødd i Sydney og har studert økonomi ved University of Sydney. Han meldte seg inn i det sosialdemokratiske APL i studietida, og i 1996 blei han vald inn i parlamentet som representant for valdistriktet Division of Grayndler i New South Wales. Etter valet i 2007 blei han utnemnd til Leader of the House, den regjeringsoppnemnde leiaren for Representanthuset i det australske parlamentet. Han blei samstundes utnemnd til statsråd for infrastruktur og regional utvikling. I 2013 blei han nestleiar i partiet ALP. Han blei òg utnemnd til visestatsminister i perioden frå juni til september då den liberale koalisjonen under leiing av Tony Abbott overtok regjeringsmakta.
I 2019 tapte ALP valet og den dåverande leiaren i ALP, Bill Shorten, gjekk av. Albanese blei vald til leiar i partiet og blei òg opposisjonsleiar i parlamentet.
Ved parlamentsvalet i 2022 leidde Albanese partiet sitt til valsiger over den liberale koalisjonen til Scott Morrison . Han blei teken i eid som statsminister i Australia den 23. mai 2022.
Kjelder
Denne artikkelen bygger på «Anthony Albanese» frå , den 12. juni 2026.
Bakgrunnsstoff
Kategori:Folk frå Sydney Kategori:Australske statsministrar