Hochkönig er det høgaste fjellet i Berchtesgadenalpane og heile den omliggande fjellgruppa. Det ligg vest for byen Bischofshofen i den austerrikske delstaten Salzburg og 42 km sør for byen Salzburg. Hochkönig ligg utanom dei andre fjella i Berchtesgadenalpane, og er skilt frå Steinernes Meer av fjellovergangen Torscharte på 2 246 m. Sjølve toppen ligg på den sørlege kanten av eit stort kalksteinsplatå, som stort sett er dekt av isbreen Übergossene Alm.
I 1898 bygde Österreichischer Touristenklub ei fjellhytte ved toppen. Bygningen som står der i dag er frå 1985 og kan huse nesten hundre fjellklatrarar.
Kategori:Fjell i Austerrike Kategori:Fjell i Alpane