Kåre Tveter () var ein norsk kunstmålar, ofte karakterisert som «ljosmålaren», og kjent for måleri med nyansar av kvitt.
Biografi
Kåre Tveter vart utdanna ved SHKS som elev av Olav Mosebekk, ved Bjarne Engebrets målarskule i tre år og til sist som elev ved Statens Kunstakademi under Per Krohg og Alexander Schultz 1954-57. Tveter debuterte i 1957, hadde si første separatutstilling i 1959, og sitt gjennombrot i 1965. Han er representert i dei fleste offentlege galleri i Noreg.
Han er kjent for å måle landskap, gjerne haust- og vinterstemningar i duse avtoningar og med minimal fargebruk.
Tveter besøkte Svalbard for første gong i 1982, og vart frå då av bergtatt av Svalbardljoset. Han korkje målar, fotograferer eller tar skisser medan han er på Svalbard. Han samlar i staden inntrykk og hentar desse fram når han kjem heim til atelieret sitt.
Tveter var aktiv som målar fram til 1998, då han fekk slag og ikkje kunne måla lenger. Han døydde i heimen sin på Lillestrøm i 2012 etter lang tids sjukdom og etterlét seg 3 vaksne born.Dagbladet, 21.03.12: Kåre Tveter er død
Eilert Munch Lund laga ein dokumentarfilm om Tveter. Filmen fekk tittelen Kåre Tveter - erindringer og hadde premiere i 2005.
Faste galleri Tveter mottok i 1995 Nittedal kommunes kulturpris og i 2005 Sør-Odal kommunes kulturpris. I 2002 gav han 128 eigne arbeid til Stiftelsen Lyshuset Billedsamling i heimkommunen. Stiftelsen Lyshuset Billedsamling vart etablert den 19. mars 2002. Samlinga vart opna av dronning Sonja i oktober 2002.
Kåre Tveter hadde 1995-2000 atelier på Rotnes Bruk i Nittedal. Måleria og ein del av effektane hans er der stilt ut i selskapslokalet "Tveterstuen", som vart opna våren 2004.
I 1995 donerte Tveter 40 av arbeida sine som grunnlag for Stiftelsen Kåre Tveter Samlingen i Longyearbyen, Svalbard. Bileta er no ein del av Galleri Svalbard.
Litteratur Vinterlys - Lillehammer. akvareller: Kåre Tveter; tekst: Arvid Møller. Labyrinth Press, 1993 Jahn Otto Johansen. Vandringer med Kåre Tveter. Stenersens forl., 1990 August. bilder: Kåre Tveter; tekst: Arvid Møller. Labyrinth Press, 1988 Svalbard, bilder. Kåre Tveter; tekster Arvid Møller. Labyrinth Press, 1986 Emil Boyson. Før sporene slettes, dagbok. illustrert av Kåre Tveter. Dreyer, 1981 Vinterskog. Arvid Møller, Kåre Tveter. Stenersen, 1980 Jon Dobloug. «Kåre Tveter». I: Kunst, 1978, nr 4. Jahn Otto Johansen. «Kåre Tveter, vår store lysmaler» I: Kunst for alle, nr 2, 2005 Lars Roar Langslet. «Kåre Tveter». I: Nytt norsk tidsskrift, nr 3/4, 1993
Kjelder
Denne artikkelen bygger på «Kåre Tveter» frå , den 9. november 2011.
Fotnotar
Bakgrunnsstoff kaaretveter.no Galleri Lyshuset òg med bildeprøvar Galleri Svalbard Tale Art Museum Omfattande samling av Kåre Tveters arbeid
Kategori:Norske målarar Kategori:Folk frå Sør-Odal