Jonas Gahr Støre () er ein norsk politikar og har vore leiar i Arbeidarpartiet sidan 14. juni 2014. Han blei statsminister i Noreg etter valet i 2021. Frå 17. oktober 2005 var han utanriksminister i regjeringa Stoltenberg II. Frå september 2012 fekk han stillinga som helseminister i same regjeringa.
Bakgrunn Støre blei fødd i Oslo som son av skipsreiaren Ulf Jonas Støre og hustrua Unni Gahr. Han gjekk på Marinens befalskole ved Sjøkrigsskolen i Bergen i 1979 til 1981, før han deretter tok utdanninga som statsvitar med spesialisering i historie og sosialøkonomi ved Institut d'études politiques de Paris i Frankrike frå 1981 til 1985. Støre talar fylgjeleg flytande fransk. Han blei også teken opp som doktorgradsstudent ved London School of Economics, men slutta etter fåe veker. I staden underviste han ved Harvard Law School i 1986, og arbeidde deretter som forskar ved Bedriftsøkonomisk Institutt frå 1986 til 1989.
Støre blei så tilsett som spesialrådgjevar ved Statsministerens kontor. Under EØS-forhandlingane tidleg på 1990-talet var Gahr Støre spesialrådgjevar for Gro Harlem Brundtland og aktiv deltakar i utforminga og forhandlinga av avtalen. Seinare blei han ekspedisjonssjef i Utanriksdepartementet. I 1998 blei Støre eksekutivdirektør (stabssjef) ved Gro Harlem Brundtland sitt kontor i Verdshelseorganisasjonen (WHO).
I åra 2002–2003 var Støre arbeidande styreleiar i analyseselskapet Econ, før han blei generalsekretær i Raudekrossen i august 2003. Denne jobben hadde han til han blei utanriksminister hausten 2005.
Ved stortingsvalet 2009 blei han vald inn på Stortinget som fast representant for Oslo, men heldt fram i regjeringa som utanriksminister.
Jonas Gahr Støre er gift med sosiologen og forskaren Marit Slagsvold, og saman har dei tre born.
Kjelder
Kategori:Regjeringa Støre Kategori:Norske statsministrar Kategori:Norske helseministrar Kategori:Norske utanriksministrar Kategori:Statsrådar i Regjeringa Stoltenberg II Kategori:Ap-statsrådar Kategori:Statssekretærar i Regjeringa Stoltenberg I Kategori:Statssekretærar frå Ap Kategori:Leiarar for Arbeidarpartiet Kategori:Stortingsrepresentantar 2009-2013 Kategori:Stortingsrepresentantar 2013-2017 Kategori:Stortingsrepresentantar 2017-2021 Kategori:Stortingsrepresentantar 2021-2025 Kategori:Stortingsrepresentantar 2025-2029 Kategori:Stortingsrepresentantar frå Ap Kategori:Stortingsrepresentantar for Oslo Kategori:Æresdoktorar ved UiT Noregs arktiske universitet Kategori:Norske diplomatar Kategori:Norske sosialøkonomar Kategori:Politikarar frå Oslo