«Travelin' Band» er ein song skriven av John Fogerty og opphavleg spelt inn av Creedence Clearwater Revival. Han vart gjeven ut på albumet deira Cosmo's Factory i 1970. Med «Who'll Stop the Rain» på andre sida var han ein av tre doble A-sida singlar frå det albumet som nådde Topp 5 på poplista i USA og den første av to som nådde andreplassen, i lag med «Lookin' Out My Back Door». «Travelin' Band» var òg ein hit i Storbritannia, der han nådde åttandeplassen på UK Singles Chart. I Noreg nådde singelen fjerdeplassen.
Songen var inspirert, både musikalsk og vokalmessig, av rock and roll-songar frå 1950-åra, særleg dei av Little Richard. I oktober 1972 meinte selskapet som hadde rettane til Richard sin «Good Golly, Miss Molly» at «Travelin' Band» var altfor lik og saksøkte Fogerty for plagiat. Dei kom til forlik i retten. Teksten av songen skildrar livet for ein musikar på turné.
Songen har vorte spelt av fleire andre artistar, mellom anna Elton John, som spelte inn ein versjon tidleg i karrieren sin. Jerry Lee Lewis song songen i lag med Fogerty på albumet Last Man Standing.
Songen finst i den brasilianske filmen O Homem Que Copiava.
18. april 2010 framførte Miranda Lambert, Carrie Underwood, Brad Paisley, Charlie Daniels og John Fogerty songen i lag under opninga av Academy of Country Music Awards.
Heile «Travelin' Band» vert spelt under ein slosskampscene i den tredje episoden av fjernsynsserien The Good Guys.The Good Guys, Broken Door Theory, FOX TV, aired, June 14, 2010, 8-9pm, MDT
Songen er spelbar i videospelet Rock Band.
Salslister Liste (1970) Plassering
Kjelder Denne artikkelen bygger på «Travelin' Band» frå , den 17. august 2013. oppgav desse kjeldene:
Bakgrunnsstoff
Kategori:Songar frå 1970 Kategori:Singlar frå 1970 Kategori:Creedence Clearwater Revival-songar Kategori:Songar skrivne av John Fogerty Kategori:Songar produserte av John Fogerty Kategori:Songar om turnéliv Kategori:Songar om luftfart Kategori:Elton John-songar Kategori:Jerry Lee Lewis-songar