Capitòli (Capitole en francés) es una estacion de la linha A del mètro de Tolosa. Es situada sul square Charles de Gaulle, dins lo quartièr Capitòli, dins l'ipercentre de Tolosa, a proximitat de la plaça del Capitòli e de la carrièra d'Alsàcia e Lorena.
Situacion sul malhum Capitòli es situada sus la linha A del mètro de Tolosa, entre las estacions Esquiròl al sud-oèst, e Joan Jaurés al nòrd-èst.
Istòria L'estacion es mesa en servici lo 26 de junh de 1993, a l'encòp que la linha A. Aviá abriga una agéncia Tisséo.
Avans la barradura del quartièr als veïculs motorizats, l'estacion èra en correspondéncias ambe de linhas de bus de Tolosa.
En 2016, l'estacion enregistrèt validacions Anthony Assemat, Métro, tramway, bus : le palmarès des stations et des lignes les plus fréquentées, à Toulouse, Actu Toulouse, 21 d'agost de 2017., en fasent la quatrena estacion la mai frequentat de la linha, mas tanben de l'ensemble del malhum del mètro de Tolosa. Representava alara 8% del trafic de la linha.
Servicis als viatjaires
Accès e acuèlh
L'accès a l'estacion dempuèi lo jardin Charles de Gaulle se fa via un escalièr en grasas, dos escalièrs mecanics o un ascensor. Dempuèi la carrièra d'Alsàcia Lorena, l'accès se fa mercé a dos escalièrs dins un bastiment de tipe hausmanian abrigant lo Virgin Megastore.
L'estacion es equipada d'un grand cai central a dotze pòrtas permetent de recebre de ramas de 52 m de quatre veituras.
Dessèrta
Coma dins l'ensemble del mètro tolosenc, la primièra partença dels caps de linha es a 5h15, e la darrièra es a 0h del dimenge al dijòus, e 3h lo divendres e dissabte.
Intermodalitat
La naveta del centre-vila a d'arrèsts a proximitat, notadament sus las carrièras adjacentas a la plaça del Capitòli.
Arquitectura
L'òbra d'art associada a l'estacion foguèt realizada per Giulio Paolini. Consistís en un « jòc de colomnas de granit gris clar compausadas d'elements d’una auçada correspondent a la mitat, al quart, a l'ochen o al setzen de l'auçada jos plafon de l’alcòva ».
A l'entorn
Capitòli L'Ostal Universal Licèu Pèire de Fermat Ofici de Torisme Plaça del Capitòli Estacions de velò VélôToulouse n° 1 (Poids-de-l'Huile), n° 2 (Lafayette) e n° 3 (Pomme) Teatre del Capitòli de Tolosa
Nòtas e referéncias
Vejatz tanben
Articles ligats
Mètro de Tolosa Linha A del mètro de Tolosa Transpòrts en comun de Tolosa
Ligams extèrnes
Presentacion de l'estacion del Capitòli e de son òbra d'art per Tisséo site sus l'occitan dins lo Mètro de Tolosa
Categoria:Linha A del mètro de Tolosa