Era vath de Varetons o meilèu Varetons vath de Varetons es (benlèu) un pleonasme, mès, que caleré saber s'ei lexicalizat(en francés vallée de Barétous, en basc Baretetze o Baretos) qu'ei dab era vath d'Aspa e era vath d'Aussau ua deras tres vaths pirenencas de Bearn. Qu'ei tòcatocanta dab eth Bascoat. Que compta sheis comunas : Aràmits, Lana en Varetons, Areta, Ansa, Hiars e Issòr. Que comunica dab era vath de Roncal en Hauta Navarra peu còth dera Pèira Sant Martin.
Istòria Aràmits que vedó a nàisher eth Enric d'Aràmits, famós mosquetari deth medish nom e Issòr qu'ei era vila nadau deth pair de Joan Martin Pueyrredon, purmèr cap d'Estat argentin. Areta, ua deras comunas dera vath, que ho quasiment sancerament destrusida per un terratrem en 1967.
Toponimia Eth toponime Varetons apareish sota eras grafias Baratos (1290Paul Raymond, Dictionnaire topographique Béarn-Pays basque, títous de BearnTítous dera vescomtat de Bearn - Archius departamentals dels Pirenèus-Atlantics), la tèrra de Baretoos (1376, mòstra militar de BearnManuscrit de 1376 - Archius departamentals dels Pirenèus-Atlantics), Varatoos (1385, censièr de BearnCensièr de Bearn) e Barethous (1477, Títous de la Vath d'Aspa .
Pau Raimond nòta, en otra, qu’au segle XVIIIau Baretous èra prononciat Baretòn(s).
Varetons qu'ei format de : var-, deth latin vallem, « vath », com Varossa (= vath d'Orsa), Varescó (= vath d'Escó) e probablament Varlanés (= vath de Lana); eth resultat deth sufixe diminutiu latin -attum; eth resultat deth sufixe latin diminutiu o atenuatiu -ones (plurau de -onem). Eth sens globau qu'ei atau « eras petitas vaths ». Non cau díser, donc, « en vath de Varetons », mès « en Varetons » Michel Grosclaude, Dictionnaire toponymique des communes du Béarn, Escòla Gaston Febus, 1991, p. 50.
Tradicion Eth 13 de julhet, ara Pèira Sant Martin, pastors bascos dera vath de Roncal e bearnés dera vath de Varetons qu'aunoran un tractat d'ajuda mutuau vilh de sheis sègles conegut com era Junta de Roncal.
Dialècte Eth parlar biarnés de Varetons, apelat aspés-varetonés, se distingueish deu gascon e de son sosdialècte pirenenc, per una fonetica caracteristica e especificitats lexicaus.
Categoria:Vath de Varetons