Buròssa e MendossaToponimia Occitana (Institut d'Estudis Occitans) : IEO_BdTopoc : http://bdtopoc.org (Burosse-Mendousse en francés) qu'ei ua comuna bearnesa administrada peu departament deus Pirenèus Atlantics e la region de Navèra Aquitània, ancianament d'Aquitània.
Geografia vignette|upright=1.8|centre|Comunas a l'entorn.
Toponimia Buròssa La prononciacion qu'ei [by'rɔsɔ]. Las fòrmas ancianas que son Burossium, en latin, en 1312, Burossa en 1402, Burossa cap a 1542, Burosse (mapa de Cassini, a la fin deu sègle XVIIIau), Burosse-Mendousse lo 27 de junh de 1842, data de la fusion de las duas comunas Michel Grosclaude, Dictionnaire toponymique des communes du Béarn, Escòla Gaston Febus, 1991, p. 101.
Gerhard Rohlfs, citat per Grosclaude, qu'explica Buròssa com Buròs, per lo nom gau d'òmi Burus, dab lo sufixe aquitan -ossum .
Dauzat qu'explica Buròssa, a la seguida de Rohlfs, per lo nom gau d'òmi Burus, o per un mot probablament aquitanic, buru, « cap, turon », los dus dab lo sufixe aquitan -ossum Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 125.
Miquèu Grosclaude qu'aima mei l'explicacion per *bur-, qui convién au site (l'ancian o lo navèth ?).
Mendossa La prononciacion qu'ei [men'dusɔ]. Las fòrmas ancianas que son Mendaosse, en 1286, Mendeossa au sègle XIIIau, Bendaosse en 1323, Mendeossa en 1385, Mendosa en 1538, Mendousse (mapa de Cassini, a la fin deu sègle XVIIIau), , Burosse-Mendousse lo 27 de junh de 1842, data de la fusion de las duas comunas Michel Grosclaude, Dictionnaire toponymique des communes du Béarn, Escòla Gaston Febus, 1991, p. 107.
Negre, citat per Grosclaude, qu'explica Mendossa, per lo basco mendi, « montanha » e -oza, « freda » .
Miquèu Grosclaude qu'accèpta mendi, « montanha », qui ei adaptat au site, mès dab lo sufixe probablament locatiu -ossa. Totun, las grafias Mendaosse o Bendaosse, etc que s'explican mau. Ramón Menéndez Pidal (Origines del español, 1926, reedicion 1950) qu'avèva interpretat los sufixes -oz e -otz significavan « fred », mès aquera idèa qu'ei abandonada adara . Jacques Boisgontier, dens la soa recension deu Dictionnaire toponymique des communes du Béarn qu'arcasta a Miquèu Grosclaude d'aver oblidat la règla gascona -nd- > -n-https://www.persee.fr/doc/onoma_0755-7752_1992_num_19_1_1146_t1_0264_0000_2. Totun, aquera règla qu'ei bona entau gascon e non saben quina lenga parlavan a Mendossa pendent lo periòde de validitat d'aquera reduccion. Enter lo sègle VI e ua data desconeishuda de l'Edat Mejana, podè estar lo basco.
Istòria
Administracion
Demografia
Lòcs e monuments
Personalitats ligadas dab la comuna
Véder tanben
Ligams extèrnes
Nòtas
Categoria:Comuna deus Pirenèus Atlantics Categoria:Comuna de Bearn