Gósol es un municipi de la província catalana de Lhèida, de la Comunautat Autonòma de la Generalitat de Catalonha e de la comarca de Berguedà. Los autres municipis de Berguedà son dins la província de Barcelona. Lo 7 de decembre de 2025, los abitants del municipi votèron per s'integrar a la província de Barcelona. Aquel cambiament dependrà de la validacion de la Generalitat e de l'aprovacion al Congrés dels Deputats.
Toponimia La prononciacion es ['gozul]; coma la localitat es plan coneguda, se pòt tanben ausir la prononciacion segondària ['gɔzul]. Lo gentilici es gosolans. Las fòrmas ancianas son Gosal en 839, 1010, 1030, 1107 e dins de nombroses documents d'aquí a 1250. Après se generalizèt la fòrma Gosol, Gósol segon lo cambiament fonetic catalan de al pòsttonic en -ol : 1053 (plan datat ?), 1257-69, 1273, 1289, 1359; i a un Gosel intermediari en 1255. Es un nom prelatin, probablament ibèr. Ptolemèu la cita Egosa. Se pòt admetre, per religar aquel nom ambe las fòrmas medievalas, un derivat *EGÓSALE, ambe'l sufixe -LE, basc e probablament iberic. Fa pensar a un nom del Sobrarbe Iguácel (diftongason ŏ > uá dins l'airal). La vocala iniciala E- tombèt, coma sovent los I- inicials en toponimia iberica. I a plan de noms en 'o-al o 'o-ar dins la toponimia iberica e tanben de noms ambe l'iniciala Eg- Joan Coromines, Onomasticon Cataloniæ, vol. IV, p. 370-372 https://web.archive.org/web/20260311094300/https://oncat.iec.cat/veuredoc.asp?id=20784. Sorribes La prononciacion es [sur'ribəs]. Nom frequent de lòcs definits per la situacion, de sub rīpas SUB RÌPAS, « dejós de ribas o de bòrns de tucs ». Aicí situat al pè sud-oèst dels travèrses rabents del Pedraforca Joan Coromines, Onomasticon Cataloniæ, vol. VI, p. 385 https://oncat.iec.cat/veuredoc.asp?id=39552.
Nòtas