Sent Lazer (Saint-Lazare en francés) es una anciana comuna d'Occitània, dins la region istorica de Perigòrd, administrada per lo departament de Dordonha, qu'existiguèt d'aquí au 1er de mai 1967. Dempuei, es integrada a la comuna dau Lardin e Sent Lazer.
Geografia Sent Lazer es situat en Peirigòrd centrau, a la riba dau Perigòrd Negre, dins l'èst dau departament de la Dordonha. Sent Lazer, l'ancian chapluec, es au nòrd-èst dau Lardin e au sud-èst de Beuregard de Terrasson; a 175 m d'altitud, domina la vau de Vesera e la RD 6089, l'anciana RN89, que son a 85 m. Sus lo pendís entre Lo Lardin e Sent Lazar, i a una tendéncia a l'urbanizacion (ostaus individuaus, un lotejadís...).
Toponimia Las fòrmas ancianas son Sanctus Lazarus, en latin, au segle XIII, (Sanctus Lazarus ?) prope Peyrals en 1411, Saint Lazer au segle XVI. Sent Lazer es lo fraire de Maria e de Marta, que, segon l'Evangèli, Jesus ressuscitet. Una tradicion legendària lo fai venir avesque e martir a Marselha Chantal Tanet et Tristan Hordé, Dictionnaire des Noms de Lieux du Périgord, ed. Fanlac, segonda edicion, 2000, p. 194.
La prononciacion es [ʂɛ̃nlɒ’ʐær] https://web.archive.org/web/20201116173829/http://communes-oc.cg24.fr/cantons/terrasson-lavilledieu/LE-LARDIN-SAINT-LAZARE.htm (grafia d'Yves Lavalade en lemosin Laser Yves Lavalade, Dictionnaire Français/Occitan Limousin, PULIM, 1997, p. 318). Totas las fòrmas occitanoromanicas d'evolucion populara son en -er, generalament pòsttonic fòra dau lemosin : Llàtzer en catalan, Làzer o Làser en lengadocian e en provençal Serge Granier, in Christian Laux, Dictionnaire Occitan-Français Languedocien, Section de Tarn de l'IEO, 2001, p. 614Diccionari provençau-francés, l'Escomessa, CREO-Provença, 2003. La cacografia Lazar es una invencion. Una anciana prononciacion paroxitonica (accent tonic sus l'avant-darriera sillaba) explica probablement la curiosa vocala finala.
Istòria Sent Lazer es une comuna creada a la Revolucion.
Lo 1er de mai 1967, fusionet emb la dau Lardin (fusion simpla) que prenguet alaidonc lo nom dau Lardin e Sent Lazer, oficialament Le Lardin-Saint-Lazare. Son n° INSEE èra 24440 Code officiel géographique de Saint-Lazare sus le site de l'Insee.
Demografia
Luòcs e monuments
Personalitats ligadas emb la comuna
Veire tanben Comunas de Dordonha Lo Lardin e Sent Lazar (sic)
Ligams extèrnes
Nòtas
Categoria:Comuna de Dordonha Categoria:Comuna de Perigòrd