Joan Amade (en francés Jean Amade, Ceret, Valespir 30 d'agost de 1878 - 3 de març de 1949) foguèt un erudit, poèta e narrator nòrd-catalan, de maire catalana e de paire occitan.
Biografia Seguiguèt d'estudis superiors a la Sorbona e a la facultat de letras de Tolosa. En 1904 foguèt professor agregat de castelhan e ensenhèt als licèus de Montalban e de Montpelhièr. En 1919 dintrèt coma mèstre de conferéncias de lenga e literatura castelhanas a la facultat de letras de Montpelhièr. Foguèt nomenat professor a la meteissa facultat en1931.
Lo regionalista Joan Carles-Brun çò ralièt a sa causa e, fondèt en 1906, amb Josep-Sebastià Pons, Paliuatz Violet, Juli Delpont, Lluís Pastre, Raymond de Lacvivier e d'autres, la Societat d'Estudis Catalans e la Revue Catalane (1907-1921), d'ont apèla los jovents poètas nòrd-catalans a escriure en catalan, encara que sa pròpria produccion literària en aquesta lenga foguèt plan reducha. La revista, çaquelà, deguèt tampar a causa de dificultats financièras en 1921.
En 1926 defendèt la celebracion dels Jòcs Florals a Perpinhan. Foguèt membre correspondent de l'Institut d'Estudis Catalans a comptar de 1945. En 1920 acompanhèt lo mariscal Josep Joffre als Jòcs Florals, e en 1935 i prononcièt lo discors de mercejament. Lo meteis an foguèt majoral del FelibritgeFourier 2009, p. 15. Sos poèmas foguèron meses en musica per Pere Figueres e Jordi Barri.
Òbras
Poesias
L'oliveda (1934)
Assages
Études De littérature méridionale (1907) Anthologie des poètes roussillonnais (1908 ) L'idée régionaliste (1912) Origines et premières manifestations de la renaissance littéraire en Catalogne au XIXè siècle (1924)
Romans
Pastoure et son maître (1909) Chants rustiques et orations (1926) Mélanges de folklore (1935)
Sardana Cant del Valespir (1911)
Referéncias
Categoria:Poèta catalan Categoria:Naissença en 1878 Categoria:Decès en 1949 Categoria:Majorau catalan